Црква „Св. Димитриј“ - Пожари
Свети Димитриј (грчки: Αγίου Δημητρίου) — црква во селото Пожари, Берско, Егејска Македонија. Влегува во состав на Берско-негушко-камбаниската епархија на Цариградската патријаршија.[1][2]
| Свети Димитриј | |
|---|---|
| Αγίου Δημητρίου | |
 | |
| 40°34′18.7″N 22°22′59.4″E / 40.571861° СГШ; 22.383167° ИГД | |
| Место | Пожари, Берско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | трикорабна базилика |
| Завршена | XVIII - XIX век |
| Управа | |
| Архијерејско намесништво | Вештичко |
| Епархија | Берско-негушко-камбаниска |
Црквата е гробишен храм сместен во месноста Палиохора (Старо Село) источно од селото. Изграден е од крајот на XVIII до почетокот на XIX век. Градбата претставува трикорабна базилика со дрвен покрив и трем од јужната страна. Апсидата на исток е полукружна со псевдопиластри, над кои има релјефи со геометриски фигури, тркала и мазги — симболи на занаетчиските еснафи кои служат како украси и заштита од зло. Според сознание на мештаните, во храмот имало и женска црква и живопис. Денес во североисточниот столб, под современиот слој се забележуваат растителни украси насликани со сино.[1]
Иконостасот на црквата е обичен и направен од дрво. Некои од иконите на него се од XIX век. Во храмот има евангелие опковано со сребро, дело на извесен Теодор.[1]
Поврзано
уредиНаводи
уреди- ↑ 1,0 1,1 1,2 „11η Εφορεία Βυζαντινών Αρχαιοτήτων“ (PDF). Αρχαιολογικόν Δελτίον. Αθήνα: Υπουργείο Πολιτισμού. Τόμος 49 (1994), Χρονικά Β'2: 571. 1999. ISSN 0570-622Χ. Архивирано од изворникот (PDF) на 2018-05-10.
- ↑ Τσιλιπάκου, Βλ. Ν (1993). „Η εκκλησία του Αγίου Δημητρίου στο Κεφαλοχώρι Ημαθίας“. Εγνατία. περιοδικό Πολιτιστικού Συλλόγου «Τέλλος Αγαπηνός Άγρας». 2: 4–5.