Црква „Св. Димитриј“ - Горно Дивјаци
Свети Димитриј — главна селска црква во крушевското село Горно Дивјаци, Македонија.[1][2]
  Свети Димитриј
| |
Поглед на црквата | |
| македонска православна црква | |
| Епархија | Крушевско-демирхисарска |
| Парохија | Втора крушевска |
| Местоположба | |
|---|---|
|
| |
| Координати | 41°24′54″N 21°10′18″E / 41.41500° СГШ; 21.17167° ИГД |
| Место | Горно Дивјаци |
| Општина | Крушево |
| Држава | Македонија |
| Општи податоци | |
| Покровител | Свети Никола |
| Изградба | XIX век |
| Живопис | XIX век |
| Архитектонски опис | |
| Архит. тип | еднокорабна |
Црквата се наоѓа во самото село Горно Дивјаци. Околу нејзе се наоѓаат селските гробишта.
Местоположба уреди
Црквата е сместена во самото село Горно Дивјаци, на околу 9 километри северозападно од Крушево.[3]
Историја уреди
Според натписот испишан на говорен народен јазик на западната страна, од внатрешната страна, може да се претпостави дека црквата е подигната во 1884 година или порано. Според пишаните извори кои ги даваат документите од возобнувањето на охридската Архиепископија, црквата е градена во период од 1869 до 1875 година.[3]
Архитектура уреди
Црквата е еднокорабна градба, со полукружна апсида однадвор, засведена, со влез од западната страна. Ѕидана е од кршен камен и малтер. Каменот, главно е употребен необработен, вкопан во малтер и без определен опус на ѕидање. Аглите на црквата се изведени од фино делкани камени квадари со минимални спојници. Освен аглите на црквата, од обработен камен се изведен влезот, прозорците и апсидата.[3]
Фрескоживопис уреди
Црквата најверојатно е живописана во 1884 година. Истиот е во релативно добра состојба и е целосно сочуван во четири зони.[3]
Во апсидата се насликани сцени од Службата на архијереите со Св. Гергориј Богослов, Св. Василиј Велики, Св. Јован Златоуст и Св. Атанасиј Александриски, Причестувањето на Апосолите, Богородица Ширшаја, која е поставена во конхата на апсидата. Во првата зона на исликување на фрескоживописот се насликани светци и светители во надолжните страни во цел раст, каде помеѓу нив се поставени односно насликани Деисизот, Св. Ѓорѓија на коњ кој ја убива ламјата и Св. Димитрија на коњ кој го убива калојан. Во втората зона на јужниот и северниот ѕид се насликани сцени од циклусот на Христовите страдања. Во третата зона се насликани сцени од циклусот на Големите празници. Четвртата зона, која е поставена највисоко во црквата иконописецот во јужната и северната сводна полуоблина е насликан фриз од 18 допојасни ликови на пророци во медалјон по 9 од секоја страна.[3]
Иконостас уреди
Црквата поседува висок иконостас, на кој се поставени шеснаесет икони, кои се прогласени за споменици на културата. Сите икони се од XIX век.[3]
Галерија уреди
-
Камбанаријата -
Поглед на црквата -
Поглед на црквата -
Селските гробишта -
Апсидата -
Задниот дел на црквата -
Влезната порта
Поврзано уреди
Наводи уреди
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ „Втора крушевска парохија“. Преспанско-пелагониска епархија. Посетено на 20 декември 2021.
- ↑ 3,0 3,1 3,2 3,3 3,4 3,5 „Зборник на трудови бр. 22“ (PDF). Народен музеј - Битола. 2019. Посетено на 20 декември 2021.
Надворешни врски уреди
Црква „Св. Димитриј“ - Горно Дивјаци на Ризницата ?
