Црква „Св. Атанасиј“ - Зовиќ

Свети Атанасиј — црква во селото Зовиќ

Местоположба
Свети Атанасиј

Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Старавинска

Координати	41°07′14.4″N 21°42′39.8″E / 41.120667° СГШ; 21.711056° ИГД / 41.120667; 21.711056
Место	Зовиќ
Општина	Новаци
Држава	Македонија
Општи податоци
Покровител	Атанасиј Александриски
Завршено	XVII век
Архитектонски опис
Архит. тип	еднокорабна

Местоположба

Црквата е сместена на врв од рид во непосредна близина на селото.^[1]

Историја

Според своите архитектонски и ликовни крактеристики, црквата потекнува од поствизантиски период, односно од XVII век.^[2] Во поново време, со помош од месното население до црквата е изградена трпезарија, поставен е крст, а донесена е и електрична енергија.^[1]

Архитектура

Градбата на црквата е еднокорабна со правоаголна основа и полукружна апсида на источната страна.^[1] Влезот е сместен на западната страна и над него има ниша со фреска којашто е во лоша состојба. Објектот е граден од камен и варов малтер, а прекриена е со кров од црвени ќерамиди.^[2]

Внатрешноста на црквата е зографисана. Иако црквата претрпела оштетувања низ годините, денес се сочувани вредни површини фрескоживопис, како што е претставата во олтарниот простор позната како Богородица со епитетот Платитера – Знамение од XVII век. Според иконографскиот тип, Богородица Знамение е облик на Богородица Ширшаја со молитвено издигнати раце. На сиво-сината заднина на фреската со бели грчки букви е испишан епитетот на Богородица. Претставата е работена според текстот на пророкот Исаија, според кој Богородица претставува отелотворение на црквата. Ваквата претстава на Богородица е значаен тематско-времеследен показател затоа што сведочи за присуството на пошироката сфера на византиската во постарата уметност.^[2]

Во дворот на црквата се наоѓа помошен објект.