Црква „Рождество на Пресвета Богородица“ - Костинци

Рождество на Пресвета Богородица — црква во селото Костинци. Сместена е во крајниот северен дел од селото, на десната страна од патот кој продолжува до соседното село Долгаец. Црквата е прогласена за споменик на културата.

Рождество на Пресвета Богородица
Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Долненско-секиречка
Местоположба
Координати	41°30′17.4″N 21°24′22.2″E
Место	Костинци
Општина	Долнени
Држава	Македонија
Општи податоци
Покровител	Богородица Марија
Завршено	1624/1625
Архитектонски опис

Историја

Црквата била изградена во 1624/1625 година. Од натписот над влезната врата во внатрешноста на црквата се дознава дека ктитори кои ја подигнале црквата биле поп Стојко, Милош и Коста од блиското село Стровија. Денешниот изглед се должи на неколку фази на изградба. Во првата фаза од 1624/1625 година, храмот е подигнат како мала еднокорабна црква со полукружен свод и тристрана апсида на источната страна. Во XVII век, црквата била проширена од западната страна, така што добила припрата и трем. Неодамна откриената мермерна плоча од 1918 година — напишана на македонски јазик со кирилско писмо — сведочи дека камбанаријата ја подариле браќата Костадин и Стојче Димоски.

Архитектура

Градбата на црквата има правоаголна основа со мала многуаголна апсида на источната страна над која има полукружна фреска. Влезот на црквата се наоѓа на западната страна и над него има ниша со фреска на којашто е прикажано Рождеството на Пресвета Богородица. Ниша со фреска на Богородица со Исус има и на јужниот ѕид. Кон дел од јужната страна бил дограден помошен објект, а на неговиот јужен крај се издига камбанаријата. Таа има квадратна основа и на секоја страна во горниот дел има по една монофора.

Дворот на црквата е ограден со ограда од бетонски тули и во него се сместени селските гробишта.

Живопис

Црквата е живописана во сите нејзини делови. Живописот во наосот се состои од два слоја кои потекнуваат од XVII и XIX век, додека во припратата се среќава живопис од XVII, XVIII и XIX век. Фрескописот бил изработен од околни зографи, кој се истакнува со своите уметнички дострели, а исто така во црквата има и ретки дрвени икони од почетокот на XIX век. Иконите на Исус Христос, на апостолите и на Богородица ја потврдуваат големата уметничка вредност, a фрескописот го отсликува Исусовиот пат од неговото создавање, страдање па сè до распетието и неговото воскреснување.

Галерија

Надворешност

• 
  Северната и источната страна
• 
  Западната страна
• 
  Влезната врата
• 
  Апсидата
• 
  Јужната страна
• 
  Нишата на јужната страна

Внатрешност

• 
  Фрескоживописот во внатрешноста (XVII век)
• 
  Натпис над фрескоживописот во внатрешноста (XVII век)
• 
  Фрескоживописот над влезната врата (XIX век)
• 
  Стари дрвени икони во црквата
• 
  Детал од фрескоживописот во внатрешноста (XVII-XVIII век)
• 
  Поглед на иконостасот и фрескоживописот на северниот ѕид
• 
  Поглед на иконостасот и фрескоживописот на јужниот ѕид
• 
  Иконостасот во внатрешноста на црквата
• 
  Фрескоживописот во внатрешноста (XVII-XVIII век)
• 
  Фрескоживописот во внатрешноста (XVIII век)

Објекти во дворот

• 
  Влезната порта од дворот на црквата
• 
  Помошниот објект со камбанаријата
• 
  Камбанаријата
• 
  Селските гробишта
• 
  Гробови во дворот на црквата

Надворешни врски

• Црква „Рождество на Пресвета Богородица“ - Костинци на Ризницата ^?