Црвен сирак

Црвен сирак (кинески: 紅高粱家族) — новела на кинескиот писател Мо Јен од 1986 година.

Содржина

Основниот мотив што се провлекува низ новелата е црвениот сирак, растение што се користи во исхраната и за подготовка на ракија. Ова растение во времето во кое владее мир претставува метафора на селскиот живот, за време на војната е симбол на борбата за живот, а на крајот се претвора во метафора на промената и загубата. Во романот се испреплетуваат љубовта и смртта, доведени до нивната сурова и брутална крајност.

Осврт кон романот

Ова е првата новела на Јен, којшто е дел од истоимениот циклус со кои тој се стекнал со светска слава. Според делото е снимен и филм, награден со „Златна мечка“ на филмскиот фестивал во Берлин во 1988 година. Во книгата, Јен ги комбинира историските факти и личните приказни, како и фантазијата и реалноста, создавајќи свет којшто со својата сложеност и необичност потсетува на делата на Вилијам Фокнер и на Габриел Гарсија Маркес.