Охрана

Централен бугаромакедонски клуб или „Охрана“ — колаборационистичка организација која постоела во текот на Втората светска војна од 1941 до 1944 година. Делувала кај локалното македонско население од западна Егејска Македонија, потпомогната од тамошните бугарофили.

„Охрана“ е формирана од бугарскиот офицер Андон Калчев, кој е роден во село Жужелци, Костурско, со цел создавање на услови во овој дел на Македонија за потпаѓање под власта на Царството Бугарија. Западниот дел од Егејска Македонија, односно југозападниот дел на Македонија (во етнички и географски граници) била спорна територија помеѓу Кралството Италија и Царството Бугарија. Бил постигнат договор според кој оваа територија потпаднала под власта на Италија, меѓутоа бугарските власти не биле задоволни од таквата поделба и сакале овој дел на Македонија да се најде под бугарска окупација. Оттука бугарските власти, преку „Охрана“ сакале да извршат притисок врз италијанските власти и да создадат услови за присоединување на овој дел од Македонија под бугарска власт. Треба да се истакне на 12 март 1943 година во Костур пристигнува генерал Џузепе дел Џудиче со наредба на италијанската команда за вклучување на италијански војници за помош на „Охрана“. По капитулацијата на Италија во текот на летото на 1943 година, италијанската зона е окупирана во есента од Германците. Со помош на германските власти четите на Охрана се реорганизирани во територијална одбрана и се превооружени.

Надворешни врски

• Стојан Кочов „Идеолошкиот активизам над Македонците под Грција“
• Вангел Ајановски Оче „Егејски бури - Револуционерното движење во Воденско и НОФ во Егејска Македонија“, Скопје, 1975, стр. 122-123
• Повик на СНОФ до Македонците од Костурско за бојкотирање на дејноста на автономистичко фашистичката ВМРО-Охрана
• Пандо Младенов, „Во и надвор Македонија. Спомени“ Архивирано на 18 февруари 2012 г.
• Егејска песна за Андон Калчев