Центар за култура „Трајко Прокопиев“ - Куманово

Зграда на ЦУ „Трајко Прокопиев“
Координати	42°08′05″N 21°43′12″E / 42.13483118332037° СГШ; 21.72007681981386° ИГД
Надморска височина	335 м
Изградба
Почнато со градба	1980
Отворен	1981
Архитект	Благоја Колев (идејно решение); Владо Трендафиловски, Љупчо Гогов, Божидар Ночев (идејно решение)

НУ Центар за култура „Трајко Прокопиев“ - Куманово
	Зградата на Центарот за култура во 2022 година
Кратенка	НУЦК „Трајко Прокопиев“
Именувана по	Јосип Броз Тито (1981-1999); Трајко Прокопиев (1999-)
Основана	1981
Вид	Центар за култура
Седиште	ул. „Маршал Тито“ бр. 3
Место	Куманово, Македонија
Матична организација	Министерсто за култура
Мреж. место	https://nucktrajkoprokopiev.mk
Поранешно име	Дом на култура „Јосип Броз Тито” (1981-1999); Центар за култура „Трајко Прокопиев”(1999-2004)

Национална установа - Центар за култура „Трајко Прокопиев“ ― културна установа во Куманово. Центарот за култура е главен носител на културни, уметнички и просветни активности во Куманово. Установата е наречена по македонскиот композитор на класична музика, диригент и автор на филмска музика Трајко Прокопиев. Во рамките на зградата на Центарот се наоѓа Библиотеката „Тане Георгиевски“.

Историја

Изградбата била во периодот 1980-1981 година. Идејното решение го изготвил Благоја Колев. Основниот проект го изработиле Владо Трендафиловски, Љупчо Гогов, Божидар Ночев. Соработници во подготовката биле Здравко Смилев, Васка Тагаси, Светлана Костовска, Иван Киселички, Лилјана Ристевска, Славица Христова.^[2]

Установата била основана во 1981 година под името Дом на култура „Јосип Броз Тито” - Куманово. Во 1999 година Домот на култура бил преименуван во Центар за култура „Трајко Прокопиев” - Куманово. Потоа во 2004 година, со одлука на Министерството за култура, називот бил сменет во Национална установа - Центар за култура „Трајко Прокопиев” - Куманово и истовремено Народниот театар Куманово бил припоен под установата.^[3]