Франсиско де Орељана
Франсиско де Орељана (шпански: Francisco de Orellana; Трухиљо, 1511 — 1546) бил шпански морепловец, истражувач и конквистадор. Во историјата е запамтен како човек кој ја открил реката Амазон.[1][2]
| Франсиско де Орељана | |
|---|---|
 | |
| Роден(а) | 1511 Трухиљо |
| Починал(а) | ноември 1546 |
| Занимање | Морепловец, истражувач |
| Познат(а) по | Прв Европеец кој ја истражувал реката Амазон |
Орељана заедно со Франсиско Писаро го освојиле Царството на Инките (денешен Перу). Исто така учествувал во експедицијата под водство на Гонсало Писаро, гувернант на градот Кито 1541, на кого му била доверена задчата да ја најде т.н. Земја на Цимет, митска земја за чии богатства се зборувало помеѓу шпанските конквистадори. Го поминале и планинскиот венец Анди. Затоа што немало резултати, одлучиле да направат брод и да продолжат по реката Коко (Coca). Во текот на таа експедиција загубиле 140 од 220 Шпанци и 3.000 индијанаци од вкупно 4.000 кои пошле на пат. Орељана на 22 февруари 1542 го продолжил патот со 50 луѓе по должината на реката во потрага по храна. Гонсало Писаро во меѓувреме се вратил во Кито само со 80 Шпанци кои преживееале. Орељана го продолжил патот и после 7 месеци пловидба и поминати 4.800 км по реките Напо, Тринидад, Негро и Амазон, стигнал до устието на реката Амазона на 26 август 1542, од каде продолжил за Нов Кадис во Кубагви (денешна Венецуела).[3][4]
Реката добила име Амазон по една случка која се случила на овој пат. Орељана запишал дека експедицијата ја нападнале злобни жени, слични на Амазонките од старогрчката митологија, но веројатно во прашање биле Индијанци со долга коса.
Потоа се вратил во Европа, прво во Португалија, на која и припаднале новооткривените земји а потоа во родната Шпанија. Преземал уште неколку експедиции на Амазон. Умрел од отровна стрела на карипските домородци на една од експедициите.
Надворешни врски
уреди
Франсиско де Орељана на Ризницата ?
Наводи
уреди- ↑ „La exploración del Amazonas: la gran odisea de Francisco de Orellana“. National Geographic. Архивирано од изворникот на 2021-02-20. Посетено на 31 јануари 2021.(шпански)
- ↑ „Francisco de Orellana Spanish explorer and soldier“. Britannica. Посетено на 31 јануари 2021.(англиски)
- ↑ „Francisco de Orellana“. Historia Peruana. Посетено на 31 јануари 2021.(шпански)
- ↑ „Orellana, Francisco De (c. 1511–1546)“. Encyclopedia. Посетено на 31 јануари 2021.(англиски)