Фор де Франс

Фор де Франс (француски: Fort-de-France) — главен град на прекуморски департман Мартиник во состав на Франција и еден од главните на Карибите. Извезува шеќер, рум, конзервирано овошје и какао.

Фор де Франс Fort-de-France
Местоположба (црвено) во Мартиник
Координати: 14°36′00″N 61°05′00″W
Земја	Франција
Прекуморски регион и департман	Мартиник
Округ	Фор де Франс
Општ. заедница	Центар на Мартиник
Управа
• Градоначалник (2008–2014)	Серж Лечими
Површина1	44,21 км2 (1,707 ми2)
Население (2007)2	91.249
• Густина	21/км2 (53/ми2)
Час. појас	UTC-4
INSEE/Пошт. бр.	97209 / 97200
Надм. висина	0 м )
1 Катастарски податоци, каде не се вбројани езера, бари и ледници > 1 км2 и речни устија. 2 Единечно пребројување: жителите на повеќе општини (на пр. студенти и воени лица) се бројат само еднаш.

Утврдувањето Сен Луј

Географија

Градот е расположен на западниот брег на островот, кај северниот приод на голем залив и крај устието на реката Мадам. Сместен е во тесна рамница помеѓу ридовите и морето, но сепак е патно поврзан со сите делови на островот.

Историја

Во 1638 г., Жак Дјел ди Парке (1606-1658), како прв управник на Мартиник, решил да го изгради утврдување „Сен Луј“ за да го заштити градот од напади. Упориштето набргу било разурнато и преизградено во 1669, со кога кралот Луј XIV го назначил Маркизот од Ба за генерален управник. По наредба на маркизот и неговите наследници (особено грофот од Бленак), утврдувањето е изградено според проект на славниот војсководец Вобан.

Административниот центар на Мартиник најпрвин го носел името Фор Ројал (Fort-Royal), но бил засенет од градот Сен Пјер како најстар град на островот и негов стопански и културен центар (наречен „Париз на Карибите“). За време на Француската револуција, градот го добил името „Фор Ла Републик“ (Fort-La-Republique), за во XIX век конечно да биде наречен Фор де Франс. Старото име Фор Ројал и денес опстојува во разговорниот јазик, во креолскиот облик „Фојал“, а неговите граѓани се нарекуваат фојалци (Foyalais).

Градот двапати страдал од катастрофи: од земјотрес во 1839 и пожар во 1890. На почетокот на XX век, Фор де Франс добил на стопанско значење, со уништувањето на градот Сен Пјер во ерупцијата на вулканот Пеле. Но и покрај стопанската важност, градот никогаш не го достигнал културниот престиж на уништениот град.

Поморска база

Утврдувањето Сен Луј во Фор де Франс е поморска база на француската морнарица.

Знаменитости

Покрај Сан Луј, постојат уште три други утврдувања:

• Десе
• Тартансон
• Жербо

Други места од интерес:

• Плоштад „Саван“
• Библиотека „Шелхер“
• Ботаничка градина на Балата
• Црква Свето Срце на Балата - инспирирана од париската базилика со исто име
• Катедрала на Фор де Франс

Во градските градини стои статуа на царицата Жозефина, сопругата на Наполеон Бонапарт, која е родена на Мартиник.

Сообраќај

Во предградие на Фор де Франс е сместен меѓународниот аеродром „Еме Сезер“ - Мартиник.

Поврзано

• Општини на Мартиник

Наводи

• Статистики - INSEE (француски)

Надворешни врски

• Фор де Франс - градски портал (француски)
• Мартиник - база на културно наследство „Мериме“ (француски)