Утхерн

Утхерн (германски: Uthörn) — мал германски остров во близина на Зилт во округот Северна Фризија и со тоа најсеверен остров веднаш зад Зилт. Припаѓа на општината Лист.

Утхерн
Uthörn

Утхерн погледнат од јужниот брег на „Кенигсхафен“
Географија
Место	Кенигсхафен, Ваденско Море, Германски Залив
Координати	55°2′10″N 8°25′50″E
Архипелаг	Севернофризиски Острови
Површина	0,13 км2
Должина	780 м
Ширина	240 м
Брегова линија	1.800 м
Највисоко место	4,1 м
Највисока точка	дина
Држава
Германија
Покраина	Шлезвиг-Холштајн
Округ	Северна Фризија
Демографија
Население	0
Дополнителни податоци
заштитена област

Географија

Островот се наоѓа во т.н. „Кенигсхафен“ (Кралско пристаниште), залив на источниот брег на Зилт, кој е свртен кон плитките плимни рамнини на Ваденското Море. Утхерн се наоѓа северно од Лист, неколку километри од полуостровот „Елбоген“ (Ellbogen) на Зилт, што всушност е најсеверен дел на Германија.

Утхерн е скоро 800 метри долг и до 240 метри широк, неговата област зафаќа околу 13 ха. Островот е релативно млад, откако се развил од песочен брег, кој поради насоката на ветерот од Зилт пораснал до височина од околу 4,10 метри над морето и не е повеќе потопуван во текот на високата плима. Се верува дека растот на Утхерн ќе продолжи и во иднина.

На островот главно се сретнува трева која расте на дините.

Заштита

Утхерн се наоѓа само неколку метри оддалечен од брегот на Зилт и до него може да се стигне пешки преку плиткото море. Но, бидејќи обезбедува место за одмор и гнездење на ретки и загрозени морски птици и се наоѓа во рамките на Националниот парк Ваденско Море, до него може да се дојде само со специјална дозвола.