Црква „Св. Петка“ - Марвинци
Света Петка — главна селска црква на валандовското село Марвинци, Македонија.[1]
Света Петка
| |
Поглед кон црквата | |
македонска православна црква | |
Епархија | Повардарска |
Архијерејско намесништво | Гевгелиско |
Парохија | Валандовска |
Местоположба | |
---|---|
Координати | 41°16′54″N 22°30′14″E / 41.28167° СГШ; 22.50389° ИГД |
Место | Марвинци |
Општина | Валандово |
Држава | Македонија |
Општи податоци | |
Покровител | Света Петка |
Изградба | XIX век 1926 1931 |
Рушење | 1931 |
Изгорена | 1913 |
Архитектонски опис | |
Архит. тип | трикорабна |
Местоположба уреди
Црквата се наоѓа на рид над селото, до која води земјен пат.
Во дворот на црквата се наоѓаат и селските гробишта на Марвинци.
Историја уреди
Според народното предание, првобитната црква во селото била подигната во втората половина на XIX век. Нејзин градител бил познатиот неимар од селото Тресонче, Андон Китанов.[2]
Но, во 1913 година била запалена од грчките андарти и изгорела. Повторно, била изградена во 1926 година на местото на старата црква.[2]
За несреќа, во 1931 година била разурната од катастрофалниот Валандовски земјотрес, но со помош на верниците од селото, повторно била обновена.[2]
Архитектура уреди
Според својата архитектурна форма, црквата е трикорабна, со дрвени рамни тавани, со нартекс на западната страна и со полукружна олтарна апсида на источната страна.[2]
Иконостас уреди
Црквата има голем иконостас, долг над десет метри, изработен во 1927-1928 година. Царските двери потекнуваат од 1928 година, а иконите од 1927 година.[2]
Галерија уреди
-
Портата пред влезот на црквата
-
Селските гробишта во дворот на црквата
-
Поглед на црквата
-
Влезот во црквата
-
Икона на Света Петка
-
Апсидата на црквата
-
Мала макета на црква
Поврзано уреди
Наводи уреди
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ 2,0 2,1 2,2 2,3 2,4 „Цркви во Валандовско“. Повардарска епархија. 2 јуни 2006. Посетено на 17 јули 2017.
Надворешни врски уреди
- Црква „Св. Петка“ - Марвинци на Ризницата ?