Сојузни територии на Индија
Сојузната територија е вид на административна единица во сојузната управа на Индија. За разлика од сојузните држави, кои имаат свои избрани влади, сојузните територии се под директна управа на сојузната влада; секоја територија има управник или намесник-гувернер што го назначува претседателот.[1]
Постојат седум сојузни територии. Главниот град на државата, Делхи, исто така е сојузна територија. Делхи и Пондишери имаат делумен статус на сојузна држава (Делхи како територија на главен град). Овие две територии имаат свои законодавни собранија и извршни совети на министри (кабинети), но нивната надлежност е ограничена бидејќи извесни законодавни постапки бараат согласност од претседателот.
Сојузните територии на Индија се:[1]
- Андамани и Никобари
- Дадра и Нагар Хавели
- Даман и Диу
- Престолнинска Делхи
- Лакадиви
- Пондишери
- Чандигар
Териториите имаат посебни права и статус бидејќи се задолжени да ги штитат правата на домородните култури во подрачјето, да спречуваат политички проблеми поврзани со управните работи итн. За секоја територија постои можност да стане сојузна држава доколку се јави потреба од зајакнување на контролата во управата.
Поврзано
уредиНаводи
уреди- ↑ 1,0 1,1 Сојузни територии - Национален портал на Индија (англиски)