Смилка Здравковска
Смилка Здравковска (Скопје, 14 јануари 1947) — македонска математичарка.
| Смилка Здравковска | ||
| Родена | Смилка Здравковска 14 јануари 1947 Скопје, НР Македонија, ФНРЈ | |
|---|---|---|
| Националност | Македонка | |
| Занимање | математичарка | |
| Татко | Петар Здравковски | |
| Мајка | Здравка Здравковска | |
Животопис
уредиРодена е во Скопје на 14 јануари 1947 година. Неколку пати била победник на градските и републичките натпревари по математика. Во 1964 година била во југословенскиот тим на Шестата меѓународната олимпијада по математика во Москва[1]. Дипломирала на Московскиот државен универзитет „Ломоносов“ во 1969 година, а докторирала на Манчестерскиот универзитет во 1973 година на тема „Тополошки објекти во теоријата на хомотопијата“. Во 1978 година била избрана за вонреден професор на Природно-математичкиот факултет во Скопје.[2][3]
Во својата научна кариера објавила трудови во областа на топологијата, теоријата на категориите и историјата на математиката. Во 1980 година била уредник на списанието „Mathematical Reviews“. Особено е заслужна за развојот на топологијата во Македонија.[2][3]
Соуредник е на книгата Golden Years of Moscow Mathematics издадена во 1993 од страна на Американското математичко друштво и на Лондонското математичко друштво.[4]
Наводи
уреди- ↑ „International Mathematical Olympiad“. Посетено на 18 јануари 2021.
- ↑ 2,0 2,1 „Проф. д-р Смилка Здравковска“. Посетено на 18 јануари 2021.
- ↑ 3,0 3,1 Македонска енциклопедија. I (I. изд.). Скопје: МАНУ. стр. 565. ISBN 978-608-203-024-1.
- ↑ „Golden Years of Moscow Mathematics“. Посетено на 18.1.2021. Проверете ги датумските вредности во:
|accessdate=(help)