Слатина (Истибања)

Слатина-Горица — населба и некропола од римско време во атарот на селото Истибања, Македонија. На 2 километри јужно од селото и на 1,5 километри северозападно од селото Јакимово, во една мала плодна колитна опкружена со ниски тераси се гледаат остатоци од објекти и населбинска керамика. На една од терасите, близу до нивата на А. Апостолов, во 1968 година, со поставувањето на каналот за наводнување, лев крак на брегалничкиот мелиоративен систем, биле откриени два гроба издлабени во карпа, со кремирани покојници и множество керамички прилози. Наодите се чуваат во Заводот и музеј во Штип.