По секоја цена (филм)
„По секоја цена“ (англиски: Hell or High Water) — американски криминалистички филм од 2016 година, режиран од Дејвид Макензи по сценариото на Тејлор Шеридан. Главните улоги ги толкуваат: Крис Пајн (Chris Pine), Бен Фостер (Ben Foster), Џеф Бриџис (Jeff Bridges) и Гил Бирмингем (Gil Birmingham).[3]
| „По секоја цена“ | |
|---|---|
| Режисер | Дејвид Макензи |
| Сценарист | Тејлор Шеридан |
| Главни улоги | |
| Музика | |
| Кинематографија | Жил Натгенс |
| Монтажа | Џејк Робертс |
| Студио |
|
| Дистрибутер | |
| Премиера | 16 мај 2016 (Кан) 12 август 2016 (САД) |
| Времетраење | 102 минути |
| Земја |  САД |
| Јазик | англиски |
| Буџет | 12 милиони долари[1] |
| Бруто заработка | 32,3 милиони долари[2] |
„По секоја цена“ бил премиерно прикажан на Канскиот филмски фестивал на 16 мај 2016 година, додека пак во САД почнал да се прикажува на 12 август 2016 година. Филмот добил пофалби од критичарите и остварил заработка од 32 милиони долари.[4] Американскиот филмски институт го вброил во најдобрите десет филмови во годината,[5] и добил номинации за бројни награди, вклучувајќи ги номинациите за „Златен глобус“ за најдобар драма филм, најдобар спореден глумец (Бриџис) и најдобро сценарио.[6] Филмот, исто така, добил четири номинации за „Оскар“ на 89. доделување на наградите, и тоа за најдобар филм, најдобар спореден глумец (Бриџис), најдобро оригинално сценарио и најдобра монтажа.[7]
Синопсис
уредиЗа да го спасат семејниот ранч, двајца браќа (ги играат Пајн и Фостер) ограбуваат повеќе банки, а нив ги гонат двајца тексашки ренџери (ги играат Бриџис и Бирмингем)...
Улоги
уреди- Џеф Бриџис како тексашки ренџер Маркус Хамилтон
- Крис Пајн како Тоби Хауард
- Бен Фостер како Танер Хауард
- Гил Бирмингем како тексашки ренџер Алберто Паркер
- Марин Ајрленд како Деби Хауард
- Кети Миксон како Џени Ен
- Дејл Дики како Елзи
- Кевин Ранкин како Вили Рејбрн
- Мелани Папалија како Емили
Сценаристот Тејлор Шеридан кратко се појавува во филмот како каубој.[8]
Прием
уредиЗаработка
уреди„По секоја цена“ остварил заработка од 27 милиони долари во Северна Америка и 5,3 милиони во другите територии за вкупна заработка од 32,3 милиони долари во светски рамки, наспроти буџетот од 12 милиони долари.[2] Во САД, филмот заработил 621 329 долари од 32 кина во првиот викенд на прикажување, или просечно 19 417 долари по кино-сала.[9] Следниот викенд, филмот се прикажувал во 472 кина, заработувајќи 2,7 милиони долари (просечно 5 709 долари по кино-сала).[10] На 26 август 2016 година, филмот почнал да се прикаѓува во 909 кина и заработил 3,7 милиони долари за време на викендот, завршувајќи на 12. место, мерено по заработката.[11]
Критика
уреди„По секоја цена“ добил признание од филмските критичари, а многумина упатиле пофалби за заживувањето на вестерн жанрот.[12] На агрегаторот Rotten Tomatoes, филмот има рејтинг од 98%, врз основа на 216 прегледи, со просечен рејтинг од 8.5/10. Описот на мрежното место гласи, „По секоја цена нуди солидно изработен, добро изглумен вестерн трилер кој избегнува безмислени сцени со пукање во корист на уверливото темпо и богатите ликови.“[13] На Metacritic, филмот има резултат од 88 од можни 100, врз основа на 47 прегледи, означувајќи „универзално признание“.[14]
Ричард Роипер од „Chicago Sun Times“ го оценил филмот со четири од четири ѕвездички, образложувајќи „На моменти голем и мал, По секоја цена е толку прекрасен и груб и елегичен и паметен, моментот кога заврши беше момент кога посакав повторно да го погледнам.“[15] Саманта Ладвиг од IGN го оценила филмот со 9/10, кажувајќи „По секоја цена изненадува со својата комплексна приказна, вџашува со својата кинематографија и надокнадува за сите слаби филмови од ова лето.“[16]
Наводи
уреди- ↑ „Hell or High Water (2016)“. Box Office Mojo. Посетено на August 31, 2016.
- ↑ 2,0 2,1 „Hell or High Water (2016)“. The Numbers. Архивирано од изворникот на 2016-09-11. Посетено на February 15, 2017.
- ↑ HRT, Sve ili ništa, američki film (пристапено на 7.5.2021)
- ↑ „Asghar Farhadi's 'The Salesman' Joins Cannes Film Festival Competition“. Variety. April 22, 2016.
- ↑ Hipes, Patrick (December 8, 2016). „AFI Awards: Best Of 2016 List Includes 'Silence', 'Hacksaw Ridge' & More“. Deadline.com. Архивирано од изворникот на January 16, 2017. Посетено на December 8, 2016.
- ↑ „Golden Globes 2017: The Complete List of Nominations“. The Hollywood Reporter. December 12, 2016. Посетено на December 12, 2016. Не се допушта закосување или задебелување во:
|publisher=(help) - ↑ HRT, Sve ili ništa, američki film (пристапено на 7.5.2021)
- ↑ „Taylor Sheridan On The Drug War And His Evolution From 'Sons Of Anarchy' Actor To 'Sicario' Screenwriter“. Uproxx. March 3, 2016. Посетено на August 30, 2016.
- ↑ „'Hell Or High Water' Hits The Mark In Debut“. Deadline. Посетено на August 18, 2016.
- ↑ „War Dogs' Begins Barking On Thursday Night – Box Office“. deadline.com.
- ↑ Anthony D'Alessandro. „'Don't Breathe' Screams $26M+ Opening, Gives Sony 3rd Summer Cash Cow After 'Sausage Party', 'Shallows': Early Sunday Update“. Deadline.com. Посетено на August 28, 2016.
- ↑ D'Alessandro, Anthony (2016-05-19). „'Hell Or High Water' Breaks Out On Croisette; Director David Mackenzie On Capturing "The Loss Of The Old West" – Cannes“ (англиски). Посетено на 2016-08-28.
- ↑ „Hell or High Water (2016)“. Rotten Tomatoes. Посетено на December 16, 2016.
- ↑ „Hell or High Water reviews“. Metacritic. Посетено на September 2, 2016.
- ↑ Richard Roeper (August 11, 2016). „Hell or High Water: Modern western the year's best film so far“. Chicago Sun Times. Посетено на September 3, 2016.
- ↑ Samantha Ladwig (August 14, 2016). „Hell or High Water Review“. IGN. Посетено на August 20, 2016.
