Сестрата на Зигмунд Фројд
Сестрата на Зигмунд Фројд — роман на македонскиот писател Гоце Смилевски објавена во 2007 година во издание на издавачката куќа „Дијалог“.[1] Српското издание на книгата го објавила издавачката куќа Лагуна од Белград во 2019 година во превод на Зоран Паневски.[2]
| Автор | Гоце Смилевски |
|---|---|
| Земја |  Македонија |
| Јазик | македонски |
| Жанр | роман |
| Издавач | Дијалог |
Издадена | 2007 |
| Медиум | печатено издание |
| ISBN | 9786084525851 |
За книгата
уредиВо романот „Сестрата на Зигмунд Фројд“ е прикажан односот меѓу главниот лик на романот Адолфина и нејзиниот брат Зигмунд Фројд. Прикажани се нивната блискост во детството, асоцијацијата на Адолфиното дружење со сестрата на Густав Климт во виенската психијатриска болница, нејзините соништа и нивните мисли. Авторот го разгледува прашањето дали Зигмунд Фројд е одговорен за смртта на неговите сестри во концентрационен логор.[3][4]
Романот го опишува раздобјето кога, по доаѓањето на нацистите во Виена, во 1938 г. Зигмунд добил излезна виза. Благодарение на неговиот углед и познанства, тој добил можност да состави список на оние што ќе ги земе со себе.[5] Решил со себе да ги поведе сопругата, децата со семејствата, сестрата на сопругата, куќната помошничка, личен лекар и куче, но не и некоја од четирите сестри. Четирите сестри ги оставил во Виена.[3] Недолго потоа, додека Фројд ги живеел своите последни денови во Лондон, неговите сестри ќе бидат одведени во концентрациониот логор Терезин и ќе бидат погубени.[5]
Книгата е заснована на вистинска приказна и им дава глас на оние нечујните, тука најмногу на Адолфина Фројд, надарена, чувствителна жена која животот го поминала во сенка, негувајќи ги мајка си и татко си.[5]
Изданија на други јазици
уредиРоманот е преведен на преку 30 јазици.
Српското издание на книгата го објавила издавачката куќа Лагуна од Белград во 2019 година во превод на Зоран Паневски.[2]
Во Соединетите Американски Држави „Сестрата на Зигмунд Фројд“ го објавил „Пингвин“ од Њујорк. Романот е објавен и во Франција, Бразил, Италија, Португалија, Турција, Холандија, Шпанија, Унгарија, Германија, Бугарија, Романија, Литванија, Чешка, Словенија, Хрватска, Норвешка, Русија, Босна и Херцеговина, Данска и во други земји.[6]
Награда
уредиВо 2010 година , романот „Сестрата на Зигмунд Фројд“ ја добил:[3][4]
- Наградата за литература на Европската унија и
а во 2012:
- Наградата за медитеранска култура
Поврзано
уредиНаводи
уреди- ↑ „Сестрата на Сигмунд Фројд“. goodreads.com. Посетено на 7 ноември 2022.
- ↑ 2,0 2,1 „Sestra Sigmunda Frojda“. plus.cobiss.net. Посетено на 7 ноември 2022.
- ↑ 3,0 3,1 3,2 „Sestra Sigmunda Frojda“. laguna.rs. Посетено на 7 ноември 2022.
- ↑ 4,0 4,1 Smilevski, Goce (2019). Sestra Sigmunda Frojda. Beograd: Laguna. ISBN 978-86-521-3431-1.
- ↑ 5,0 5,1 5,2 „Goce Smilevski Sestra Sigmunda Freuda“. fraktura.hr. Посетено на 7 ноември 2022.
- ↑ „Сестрата на Зигмунд Фројд“. kupikniga.mk. Посетено на 9 јули 2023.[мртва врска]
Надворешни врски
уреди- Сестрата на Зигмунд Фројд
- Преглед на романот „Сестрата на Зигмунд Фројд“ - Кога не успеваш да направиш добро
- Список на Фројд - осврт на романот „Сестрата на Зигмунд Фројд“ - Домагој Петровиќ
- Анализа на комплексите на Зигмунд во романот „Сестрата на Зигмунд Фројд“ - Душан Милијиќ
- Гоце Смилевски: Мојот роман е метафора за сите заборавени луѓе од тоа време [видео]
- Гоце Смилевски, автор на романот „Сестрата на Зигмунд Фројд“ - Епохите се рефлектираат една во друга
- Гоце Смилевски: И дадов живот на заборавената сестра на Фројд
- Дали Зигмунд Фројд е одговорен за смртта на неговите сестри
- Рецензии, интервјуа: Научете ја приказната за сестрата на Фројд, Убавината е единствената утеха, Животот во сенка, семејната траума на Фројд