Сексот и градот 2

Сексот и градот 2 (англиски: Sex and the City 2) е американски филм (романтична комедија) од 2010 година, продолжение на првиот дел „Сексот и градот“ од 2008 година, снимен според истоимената серија во производство на телевизискиот канал „ХБО“. Соавтор, продуцент и режисер на филмот е Мајкл Патрик Кинг. Филмот за првпат бил прикажан во киносалите во САД на 27 мај 2010 година, а на 28 мај во Обединетото Кралство. ДВД изданието во Обединетото Кралство било пуштено во продажба на 28 ноември 2010 година. Во филмот играат: Сара Џесика Паркер, Ким Катрал, Кристин Дејвис, Синтија Никсон и Крис Нот. Кратко појавување во филмот имаат и Лајза Минели, Мајли Сајрус, Тим Ган, Рон Вајт, Омид Џалили и Пенелопе Круз, како познатите глумци на Бродвеј, Норм Луис, Кели О' Хара и Рајан Силвермен.

„Sex and the City 2“
Режисер	Мајкл Патрик Кинг
Продуцент	Мајкл Патрик Кинг Сара Џесика Паркер Darren Star John Melfi
Главни улоги	Сара Џесика Паркер Ким Катрал Кирстен Дејвис Синтија Никсон
Музика	Арон Зигман
Кинематографија	Џон Томас
Монтажа	Миајкл Беренбаум
Студио	New Line Cinema HBO Films Village Roadshow Pictures
Дистрибутер	Warner Bros. Pictures
Премиера	мај 27 2010 (2010-05-27)
Времетраење	146 minutes
Земја	САД
Јазик	Англиски јазик
Буџет	$95 million
Бруто заработка	$305,153,249

Дејствие

Филмот започнува со средбата на Кери, Саманта, Шарлот и Миранда која всушност е потсетување на Кери и враќање во времето кога таа за првпат дошла во Њујорк во 1988 г,. потоа во 1987 се запознала со Шарлот, во 1988 со Миранда и во 1989 г. со Саманта.

Сите од нив се мажени освен Саманта која има 52 години и прима хормонски терапии за да го одржи нејзиниот сексуален нагон а во меѓувреме влегува во менопауза. Четирите пријателки се наоѓаат на свадбата на Стенфорд, каде Кери е „кум“. Миранда дава отказ на работа бидејќи новиот раководител не ја почитува. Двете деца на Шарлот се напорни а таа е загрижена дека на Хари му се допаѓа новата згодна ирска дадилка на децата, Ерин. Бракот на Кери и Ѕверката е посталожен и покрај нивните различни замисли како да го поминуваат слободното време. За годишнината од бракот Кери му подарува стар ролекс рачен часовник на кој има изгравирано романтична порака, а на нејзина вчудовиденост, Ѕверката купува нов телевизор што го сместил во спалната соба за да можат да гледаат стари филмови заедно, нешто во кое уживаа во хотелската соба по свадбата на Стенфорд. Кери останува разочарана бидејќи се надеваше дека ќе добие накит.