Свакопмунд

Свакопмунд
Свакопмунд; Swakopmund
	град
	Поглед кон Свакопмунд
	Грб
	Грб
	Гесло: Providentiae memor
Држава	Намибија
Регион	Еронго
Единица	Свакопмунд
Основан	4 август 1892
Површина
• Вкупна	196,3 км2 (758 ми2)
Население (2011)
• Вкупно	44.725
• Густина	227,8/км2 (5,900/ми2)
Час. појас	SAST (UTC+2)
Клима	умерена пустинска
Мреж. место	swakop.com

Свакопмунд (германски: Swakopmund) — град во Намибија со околу 35,000 жители. Тој е основниот крајбрежен центар на Намибија. Административен центар на регионот Еронго и центар на администрацијата на Намибија во топлите месеци на годината. Воедно, тој претставува и едно од најзачуваните примери на германската колонијална архитектура во светот. Градот бил основан во 1892 како главно пристаниште на германската Југозападна Африка.

Повеќето од градовите и селата во Намибија настанале од домородни населби и најчесто се наоѓаат блиску до изворите на вода. Имињата на местата дадени од домородните жители се многу описни и во многу случаи овие имиња биле задржувани од европските колонизатори, кои понекогаш го упростувале изговорот на истите. Намското име за Свакопмунд било "Tsoakhaub", кое се однесува на водите од реката Свакоп кога таа е надојдена, носејќи притоа огромни количества на кал, песок, делови од растителноста и животински тела во Атлантскиот Океан.

Намското име беше сменето во "Свашауб" од страна на германските доселеници, а со прогласувањето на Свакопмунд за независна област од германската Југозападна Африка во 1896, денешниот начин на пишување на името на Свакопмунд дојде во употреба.

Историја

Свакопмунд е основан во 1892 година, две години подоцна од Виндхук, од Капетан Курт фон Франсоа. Тој бил наменет за главно пристаниште на германска Југозападна Африка. Зголемениот сообраќај помеѓу Германија и нејзината колонија се зголемил, па затоа било потребно да се создаде сопствено германско пристаниште, бидејќи постоечкото Валфис Беј, на 33 км појужно, било заземено од Британците. Изборот паднал на место северно од реката Свакоп, бидејќи водата била достапна, а и бидејќи другите места биле непогодни.

Наводи

↑ ^1,0 ^1,1 „Table 2.1 Population density by area“ (PDF). 2011 Population and Housing Census - Erongo Regional Profile. Namibia Statistics Agency. стр. 4. Посетено на 16 September 2017.
↑ „Table 4.2.2 Urban population by Census years (2001 and 2011)“ (PDF). Namibia 2011 - Population and Housing Census Main Report. Namibia Statistics Agency. стр. 39. Посетено на 16 September 2017.

Надворешни врски

[reg-1] 1,0 ^1,1 „Table 2.1 Population density by area“ (PDF). 2011 Population and Housing Census - Erongo Regional Profile. Namibia Statistics Agency. стр. 4. Посетено на 16 September 2017.

[nsa-2] „Table 4.2.2 Urban population by Census years (2001 and 2011)“ (PDF). Namibia 2011 - Population and Housing Census Main Report. Namibia Statistics Agency. стр. 39. Посетено на 16 September 2017.

[1]

[2]