Ролф Сиверт
Ролф Максимилијан Сиверт (шведски: Rolf Maximilian Sievert; 6 мај 1896 – 3 октомври 1966) — шведски физичар и радиобиолог чиј најголем придонес е проучувањето на биолошките последици од јонизирачкото зрачење. Во негова чест е наречена единицата сиверт.
| Ролф Сиверт | |
|---|---|
Rolf Sievert | |
 | |
| Роден(а) | 6 мај 1896 Стокхолм, Шведска |
| Починал(а) | 3 октомври 1966 (возр. 70) Стокхолм, Шведска |
| Националност | Швеѓанец |
| Алма матер |
|
| Занимање | медицински физичар |
Роден е во Стокхолм, во семејството на Макс и Софија Каролина Сиверт.[1]
Ја возглавувал физичката лабораторија во радиотерапевтска клиника „Радиумски дом“ (Radiumhemmet) од 1924 до 1937 г., а потоа ја држел катедрата по радиофизика во Каролинскиот институт. Одиграл основоположничка улога во мерењето на дозите на зрачење, особено во за цели на дијагноза и лечење на ракот. Во подноцнежните години се задржал на изучувањето на последиците од изложеноста на ниски дози на зрачење.
Во 1928 г. го основал Меѓународниот комитет за заштита од рендгенско и радиумско зрачење, и бил негов прв претседател; оваа установа подоцна прераснала во Меѓународната комисија за радиолошка заштита. Бил на чело на Научниот комитет за последиците од атомоско зрачење при ООН.[2]
Осмислил низа инструменти за мерење на дози на зрачење, од кои најпозната е Сивертовата комора.
Во 1979 г. SI-единицата за дозен еквивалент на јонизирачко зрачење го добила името сиверт (Sv) во негова чест, со одлука на Генералната конференција за тегови и мерки.
Поседувал голема збирка на инсекти, која денес е сместена во Ентомолошкиот музеј при Лундскиот универзитет.
Поврзано
уредиНаводи
уреди- ↑ Sekiya, M., Yamasaki, M., "Rolf Maximilian Sievert (1896–1966): father of radiation protection", Radiological Physics and Technology, 9, 1–5 (2016). Retrieved 2 July 2021.
- ↑ Clarke, R.H.; J. Valentin (2009). „The History of ICRP and the Evolution of its Policies“ (PDF). Annals of the ICRP. ICRP Publication 109. 39 (1): 75–110. doi:10.1016/j.icrp.2009.07.009. S2CID 71278114. Посетено на 12 мај 2012.
Надворешни врски
уреди
Ролф Сиверт на Ризницата ?- Ролф Сиверт, човекот и единицата (англиски)
- Ролф Максимилијан Сиверт (1896–1966): таткото на радиолошката заштита (англиски)
