Ред на Британската Империја

Најпревосходен ред на Британската Империја (англиски: Most Excellent Order of the British Empire) — витешки ред основан на 4 јуни 1917 г. од кралот Џорџ V. Редот вклучува пет вида на цивилни и воени одликувања.

Големиот крст на Редот на Британската Империја

Денешни одликувања

Постојат пет класи на одликувања, подредени по старешинство:

• Витез на Големиот Крст (GBE) (Knight Grand Cross)
  или Дама на Големиот Крст (GBE) (Dame Grand Cross)
• Витез-заповедник (KBE) (Knight Commander)
  или Дама-заповедник (DBE) (Dame Commander)
• Заповедник (CBE) (Commander)
• Офицер (OBE) (Officer)
• Член (MBE) (Member)

Само двата највисоки чина сами по себе го прават човекот витез или дама (со титулите „сер“ или „леди“), и им овозможува на добитникот на чинот да ја користат пред своето име титулата „Сир“ (за мажи) или „Дама“ (за жени). Кога се доделува почесно витештво на некој што не е по националност дел од кралството на кралицата Елизабета II, титулата не треба да ја користи пред името.

Критики

Редот е критикуван од одредени лица поради неговата поврзаност со идејата за Британска Империја. Членовите на Битлси се прогласени за членови на Редот во 1965 година. Џон Ленон по тој повод изјавил: „Многумина кои се противат на нашето влегување во Редот, станале членови на Редот поради своето херојство во војна - убивале луѓе... Ние го добивме нашето членство поради забавување на луѓето.“ На 25 ноември 1969 година, Џон Ленон го вратил членството во Редот, како дел од неговите мировни протсети.

Меѓу останатите познати личности кои го одбиле или се откажале од членство во Редот се: Винстон Черчил, Вилијам Батлер Јејтс, Дејвид Боуви, Стивен Хокинг, и други.

Надворешни врски

• Honours, Decorations & Awards
• The London Gazette — списоци на наградени
• (2002), "The Most Excellent Order of the British Empire"