Разговори со еден тигар

„Разговори со еден тигар“ (англиски: Talks with a tiger) — книга за деца на англискиот писател Доналд Бисет од 1967 година.

Содржина

Книгата содржи 25 раскази:

• „Река од зборови“
• „Анабела“
• „Тигарчето што сакаше да се капе“
• „Станицата што не седеше на едно место“
• „Под килимот“
• „Како се родила морската ѕевзда“
• „Магла“
• „Страница свртена наопаку“
• „Скакулецот и полжавот“
• „Полицаецот Артур и неговиот коњ Хари“
• „Ветерот и кравите“
• „Заборавениот роденден“
• „Трошки од кифла“
• „Трите ура“
• „Ерос и славејчето“
• „Мистер Џонс и ловецот на Еј“
• „Тибетскиот јак“
• „Трите шапки на мистер Хепи“
• „Носорогот и добрата самовила“
• „Петлето ветроказ и сонцето“
• „Добриот змеј“
• „Бам“
• „Орелот и ѕвездата“
• „Бумбарот и булдожерот
• „Слабиот крал и дебелиот готвач“

Изданија на македонски јазик

Книгата „Разговори со еден тигар“ доживеала повеќе изданија на македонски јазик:

• Во 1993 година, таа била објавена како заедничко издание на „Мисла“, „Наша книга“, „Култура“, „Македонска книга“ и „Детска радост“, како лектира за второ одделение според наставниот план и програмата за основните училишта во Република Македонија. Преводот го направил Свето Серафимов, автор на корицата е Александар Каевски, нацртот и ликовно-графичкото обликување на корицата го направил Диме Исаиловски, автор на илустрациите е Драган Митровски, а јазичната редакција ја извршил Тодор Димитровски. Книгата, со обем од 64 страници и со димензии од 20 сантиметри, била испечатена во НИП „Нова Македонија“, РЕ Печатница, во Скопје, во 1993 година. Таа е каталогизирана во НУБ „Климент Охридски“, но не ја содржи меѓународната ознака ISBN.