Википедија

Принцеза Сесилија од Шведска (1807–1844)

Сесилија од Шведска (22 јуни 1807 година во Стокхолм – 27 јануари 1844 година во Олденбург ) била композиторка, шведска принцеза по раѓање и голема војвотка од Олденбург по брак. Таа била ќерка на шведскиот крал Густав IV Адолф и Фредерика од Баден.

Биографија

уреди

По раѓањето, таа била израсната под надзор на кралската гувернанта Шарлот Стиернелд. Најмладата од четирите деца, Сесилија ја напуштила Шведска во 1810 година со своето семејство, откако нејзиниот татко бил соборен како крал на Шведска со државен удар од 1809 година. Таа е израсната во родната земја на нејзината мајка, Големото Војводство Баден (Германија). Откако нејзините родители се развеле во 1812 година, таа била воспитана главно од нејзината баба Амалија од Хесен-Дармштат во Бруксал.

Таа го запознала Август, големиот војвода од Олденбург во 1830 година, и по еден час разговор, бракот бил решен. Таа отишла кај нејзиниот брат во Виена, каде што се одржала нејзината венчавка во присуство на австрискиот император Франциско I. Таа се преселила во градот Олденбург во јуни 1831 година.

Сесилија имала интерес за културата. Како голема војвотка од Олденбург, таа компонирала мелодија на химна за Олденбург. Химната подоцна била додадена со стихови на Теодор фон Кобе и именувана „Heil dir, o Oldenburg“. Во 1833 година, Сесила го поддржала основањето на првиот градски театар, кој денес е Стариот театар Олденбург. Меѓутоа, никогаш не се знаело дека била блиска со населението во Олденбург, каде што живеела живот ограничена во круговите на дворот. По неа се именувани мост, плоштад и пат, како и училиште. Во чест на покојната Сесилија, локалитетот Cäciliengroden на заливот Jade во близина на Вилхелмсхавен (подоцна вклучен во Санде во Фризија ) бил именуван по неа.

Сесилија починала на 36-годишна возраст од пуерперална треска, неколку дена откако го родила своето трето дете Елимар. Таа била погребана во војводскиот мавзолеј во дворот на Света Гертруда (Св. Гертруденкирхоф / Гертруденфридхоф) во градот Олденбург. Таму била погребана и нејзината сестра Амалија Марија Шарлота.

 
Сесилија како голема војвотка од Олденбург.

Брак

уреди

Таа се омажила за Август, Големиот војвода од Олденбург (1783–1853) на 5 мај 1831 година во Виена. И двајцата како членови на Домот на Холштајн-Готорп и потомци на Кристијан Август од Холштајн-Готорп, принцот од Еутин, тие биле далечни братучеди. Тоа бил трет брак на Август.

Имале три сина:

  • Александар Фридрих Густав (16 јуни 1834 - 6 јуни 1835 година)
  • Николаус Фридрих Август (15 февруари 1836 - 30 април 1837 година)
  • Антон Гинтер Фридрих Елимар (23 јануари 1844 - 17 октомври 1895 година)

Предци

уреди

Наводи

уреди
  • Оваа статија е делумно заснована на нејзиниот еквивалент на шпанската Википедија
  • Жизела Нимелер: Die Engelinnen im Schloß. Eine Annäherung an Cäcilie, Amalie und Friederike von Oldenburg. Isensee, Олденбург 1997 година,ISBN 3-89598-463-9
Преземено од „https://mk.wikipedia.org/w/index.php?title=Принцеза_Сесилија_од_Шведска_(1807–1844)&oldid=5279657“