Полина Астахова

Полина Астахова (30 октомври 1936 – 5 август 2005) — советска и украинска гимнастичарка. Натпреварувајќи се за Советскиот Сојуз таа освоила десет олимписки медали на игрите во 1956, 1960 и 1964.

Полина Астахова

Полина Астахова на Летните олимписки игри 1964
Лични податоци
Полно име	Полина Григорјевна Астахова
Роден(а)	30 октомври 1936(1936-10-30) Запорожје, СССР
Починал(а)	5 август 2005(2005-08-05) (возр. 68) Киев, Украина
Висина	&100000000000000016599991,66 м
Тежина	56 kg (123 lb)
Спорт
Земја	СССР
Спорт	Гимнастика
Клуб	• Шахтјор Донецк • Авангард Киев • ЦСКА Киев
Освоени медали Натпреварувач за СССР Олимписки игри 1956 Мелбурн Екипен повеќебој 1960 Рим Екипен повеќебој 1960 Рим Двовисински разбој 1964 Токио Екипен повеќебој 1964 Токио Двовисински разбој 1960 Рим Партер 1964 Токио Партер 1956 Мелбурн Екипно со предмет 1960 Рим Повеќебој 1964 Токио Повеќебој Светски првенства 1958 Москва Екипен повеќебој 1962 Прага Екипен повеќебој 1966 Дортмунд Екипен повеќебој 1958 Москва Двовисински разбој Европски првенства 1959 Краков Греда 1961 Лајпциг Греда 1961 Лајпциг Двовисински разбој 1961 Лајпциг Повеќебој 1961 Лајпциг Партер

Животопис

Астахова започнала да се интересира за спортска гимнастика на 13-годишна возраст, откако го гледала гимнастичкото првенство во Донецк, град во кој нејзиното семејство се преселило кратко време пред тоа. Таа започнала да тренира во локалниот гимнастички клуб Шахтјор, а нејзин прв тренер бил Владимир Алиександрович Смирнов.

Астахова го добила прекарот Руската бреза во западните земји поради нејзината исклучителна елеганција, и на Летните олимписки игри 1960 таа дури била наречена Мадона од италијанските новинари. Помеѓу 1956 и 1966 година, Астахова била на врвот на многу меѓународни и државни натпреварувања, посебно во дисциплината двовисински разбој. Таа била член на гимнастичката екипа на СССР од 1955 до 1968 година.

Во 1954 година Астахова за првпат се натпреварувала на државното првенство на СССР и за една година успеала да стане член на екипата на СССР која се натпреварувала на Летните олимписки игри 1956. Таа била најмладиот член на екипата и придонела екипата да го освои златниот медал. На игрите во 1960 во Рим, таа била во водство во повеќебојот, но загубил цел бод поради пад од гредата, која била седма дисциплина од осумте одржани. Таа била многу разочарана од инцидентот и поради тоа по игрите не се натпреварувала, иако во Рим ги освоила златните медали во екипниот повеќебој и двовисинскиот разбој, сребрен медал во дисциплината партер и бронзен медал во повеќебој. На Европското првенство во 1961 година, таа ги освоила златните медали во дисциплините двовисински разбој и греда. Натпреварувајќи се на игрите во 1964 во Токио, Астахова помогнала екипата на СССР да го освои златниот медал во екипниот повеќебој, го освоила златниот медал во двовисински разбој, сребрениот медал во партер и бронзениот медал во повеќебој.

Откако ја завршила својата спортска кариера, од 1972 година Астахова работела како тренер во Украина. Во 2002 година таа била примена во Меѓународната гимнастичка куќа на славни. Астахова ги поминала своите последни години од животот во Киев, каде починала на 68-годишна возраст од пнеумонија.

Наводи

• ^ „Polina Astakhova“. Sports-reference. Архивирано од изворникот на 2015-06-21. Посетено на 2015-11-23.

• ^ „Polina Ghrighorievna Astakhova“. Legends of the Soviet sports (руски). Посетено на 2 May 2006.

• ^ „Polina Ghrighorievna Astakhova“. International Gymnastics Hall of Fame. Посетено на 12 May 2007.

Надворешни врски

• Профил на Меѓународната гимнастичка куќа на славни
• Биографија и достигнувања