Википедија

Податочна структура

Податочна структура — облик на организирање, управување и складирање на податоци којшто овозможува алгоритмички ефикасен пристап и обликување.[1][2][3] Попрецизно, податочната структура претставува збирка од податочни вредности, нивните меѓусебни врски, како и функциите и операциите коишто се применуваат на нив.[4]

Податочна структура позната како раздробувачка табела

Примена уреди

Податочните структури служат како основа за апстрактни податочни видови. Апстрактниот податочен вид го определува логичкиот облик на податочниот вид. Податочната структура го користи физичкиот облик на податочниот вид.[5]

Различни видови на податочки структури се приспособени за различни видови на примена и некои од нив се високоприспособени за конкретни задачи. Така на пример, релациските бази на податоци користат индекси на В-дрво за повикување на податоците,[6] додека употребата на програмскиот преведувач обично повлекува раздробувачки табели за препознавање на определбите.[7]

Податочните структури обезбедуваат средство за ефикасно управување со големи количини податоци за големи бази на податоци и мрежно индексирање. Обично ефикасните податочни структури се клучни за создавање ефикасни алгоритми. Некои методи и програмски јазици ги претпочитаат податочните структури во однос на алгоритмите како клучен организациски чинител во создавањето на програмска опрема. Податочните структури може да се користат и за организирање на складот и повикувањето информации складирани во првостепеното и второстепено сметачко памтење.[8]

Употреба уреди

Податочните структури главно се засноваат врз способноста на сметачот да повика и складира податоци било каде во неговото памтење, што е определено со покажувачот, т.е. низа како претстава за памтечка адреса којашто може да биде складирана во сметачкото памтење и изменувана од страна на програмот. Со тоа, низите и записите на податочните структури се засноваат врз пресметување на адресите на податочните ставки со аритметички операции, додека поврзаните податочни структури се засноваат врз складишни адреси на податочки ставки во самата структура.

Употребата на податочната структура обично бара впишување на множество постапки коишто создаваат и изменуваат примери од самата структура. Ефикасноста на податочната структура не може да бидат анализирани одвоени од другите операции. Ова набљудување го мотивира теоретскиот концепт на апстрактен податочен вид, т.е. податочна структура којашто е посредно определена од операциите коишто може да бидат спроведени на неа, и математички својства на операциите (вклучувајќи ги трошоците за простор и време).[9]

Наводи уреди

  1. ↑ Cormen, Thomas H.; Leiserson, Charles E.; Rivest, Ronald L.; Stein, Clifford (2009). Introduction to Algorithms, Third Edition (3. изд.). The MIT Press. ISBN 978-0262033848.
  2. ↑ Black, Paul E. (15 December 2004). Pieterse, Vreda; Black, Paul E. (уред.). Dictionary of Algorithms and Data Structures [online]. data structure. National Institute of Standards and Technology. Посетено на 2018-11-06.
  3. ↑ „Data structure“. Encyclopaedia Britannica. 17 April 2017. Посетено на 2018-11-06.
  4. ↑ Wegner, Peter; Reilly, Edwin D. (2003-08-29). Encyclopedia of Computer Science. Chichester, UK: John Wiley and Sons. стр. 507–512. ISBN 978-0470864128.
  5. ↑ „Abstract Data Types“. Virginia Tech - CS3 Data Structures & Algorithms.
  6. ↑ Gavin Powell (2006). Beginning Database Design. Chapter 8: Building Fast-Performing Database Models. Wrox Publishing. ISBN 978-0-7645-7490-0.
  7. ↑ „1.5 Applications of a Hash Table“. University of Regina - CS210 Lab: Hash Table. Архивирано од изворникот на 2020-03-25. Посетено на 2020-03-07.
  8. ↑ „When data is too big to fit into the main memory“. homes.sice.indiana.edu. Архивирано од изворникот на 2020-02-03. Посетено на 2020-03-07.
  9. ↑ Dubey, R. C. (2014). Advanced biotechnology : For B Sc and M Sc students of biotechnology and other biological sciences. New Delhi: S Chand. ISBN 978-81-219-4290-4. OCLC 883695533.

Користена литература уреди

  • Peter Brass, Advanced Data Structures, Cambridge University Press, 2008, ISBN 978-0521880374
  • Donald Knuth, The Art of Computer Programming, vol. 1. Addison-Wesley, 3rd edition, 1997, ISBN 978-0201896831
  • Dinesh Mehta and Sartaj Sahni, Handbook of Data Structures and Applications, Chapman and Hall/CRC Press, 2004, ISBN 1584884355
  • Niklaus Wirth, Algorithms and Data Structures, Prentice Hall, 1985, ISBN 978-0130220059

Препорачана литература уреди

Надворешни врски уреди

Повеќе за Податочна структура на збратимените проекти на Википедија
  Дефиниции и преводи на Викиречник ?
  Податотеки на Ризницата ?
  Образовни ресурси на Викиуниверзитет ?
  Мисли на Викицитат ?
  Изворни текстови на Викиизвор ?
  Прирачници на Викикниги ?
  ? Информации за патување во Википатување ? ?
Преземено од „https://mk.wikipedia.org/w/index.php?title=Податочна_структура&oldid=4898537“