Степски удав
| Степски удав | |
|---|---|
| |
| Научна класификација | |
| Царство: | Животни |
| Колено: | Хордови |
| Потколено: | ’Рбетници |
| Класа: | Влекачи |
| Ред: | Лушпари |
| Подред: | Змии |
| Семејство: | Удави |
| Потсемејство: | Песочни удави |
| Род: | Вистински песочни удави |
| Вид: | Степски удав |
| Научен назив | |
| Eryx jaculus (Linnaeus, 1758) | |
| Синоними | |
|
Anguis jaculus Linnaeus, 1758 | |
Степски удав или песочница (науч. Eryx jaculus) — вид на змија од семејството удави (Boidae).[1][2] Ова е типски вид на родот вистински песочни удави (Eryx).
Географска распространетост
уредиЖивее во Источна и Југоисточна Европа, на Кавказ, на Блискиот Исток и во Африка. Ова е единствениот вид од семејството удави (Boidae) што живее во Македонија.[3]
Опис
уредиЗмијата расте во должина до 80 см. Боите во голема мера се разликуваат. Во задниот дел се сивкасти, свелокафеави, кафеави или црвеникави, со потемни дамки или црти во неправилен мрежест распоред. Обично има темна линија од очите до аголот на устата. Од долната страна е белузлава или жолтеникава. Телото ѝ е набиено и има кратка, тапа опашка. Стомачниот појас дел е многу тесен, помалку од 1⁄3 од ширината на телото.[4] Челниот дел е голем и широк со аглест хоризонтален раб. Очите се одвоени од уснените лушпи со два реда на ситни лушпи. Горните уснени крлушки се 10-14 на број. Задните лушпи се распоредени во 40-50 реда, мазни во предниот дел на змијата, но малку засртени во задниот. Има 165-200 стомачни и 15-34 подопашни лушпи.[5]
Поврзано
уредиНаводи
уреди- ↑ „Eryx“. Обединет таксономски информативен систем. Посетено на 16 август 2010. (англиски)
- ↑ McDiarmid, Roy W., Jonathan A. Campbell, and T'Shaka A. Touré, 1999. Snake Species of the World: A Taxonomic and Geographic Reference, vol. 1
- ↑ Анализа и валоризација на биодиверзитетот на национално ниво: 4. Валоризација на влекачи[мртва врска] - МЖСПП (македонски)
- ↑ Arnold, E.N. and J.A. Burton. 1978. A Field Guide to the Reptiles and Amphibians of Britain and Europe. Collins. London. ISBN 0-00-219318-3.
- ↑ Boulenger, G.A. 1893. Catalogue of the Snakes in the British Museum (Natural History), Volume I. London.