Пеколник

река во западна Македонија, притока на Треска

Пеколник — кратка река во западна Македонија, на граничното подрачје меѓу Поречието од Полошката Котлина. Претставува последна десна притока на Треска преку вливот во езерото Козјак. Долга е само 6 км.

Пеколник
Земја Македонија
Слив
Главен изворСува Планина, с. Здуње/Луковица
896 км
41°49′30″N 21°13′25″E / 41.82500° N; 21.22361° E / 41.82500; 21.22361
Устиеез. Козјак, с. Луковица
354 м
41°58′50″N 21°18′36″E / 41.98056° N; 21.31000° E / 41.98056; 21.31000
Вис. разлика542 м
Сливна повр.15,55 км2
Физички особености
Должина6 км

ОписУреди

Реката извира во месноста Леска во југозападниот дел на Сува Планина, на надморска височина од 896 м,[1] и начелно ја следи атарската граница меѓу горнопоречкото село Здуње и горнополошкото с. Луковица. По извориштето, кое има западен тек, реката зема северен правец и минува низ клисурата Пеколник по целото свое течение, сè до езерото.

Се влива на надморска височина од 354 м во североисточен разгранок на езерото Козјак под ридовите Орлак од лево и Патно Брдо од десно. Дел од нејзината долина во овој дел (наречена Пеколник, по реката) е зафатен со водата на ракавот и се наоѓа 25,7 км спротиводно од вливот на Треска во Вардар. Коефициентот на развиеност на Пеколник е 1,15. Вкупниот пад помеѓу изворот и вливот изнесува 542 м, а просечниот и изнесува .

Вкупната должина на водоразделната линија на реката Пеколник изнесува 18,5 км а сливот и зафаќа 15,55 км2 или 0,75% од вкупната површина на сливот на реката Треска.[1]

ДолинаУреди

Пеколник е периодичен водотек кој ги има сличните одлики како и реката Оча. За време на висок водостој водите му истекуваат преку наносниот материјал сè до вливот во реката Треска, каде што преку истиот избива во вид на врело во плавина. За време на поројни дождови и брзо топење на снегот има и површинско истекување. Со изградбата на вештачкото езеро Козјак дел од речната долина при вливот е заезерена.[1]

ПоврзаноУреди

НаводиУреди

  1. 1,0 1,1 1,2 Димитровска, Олгица (2013). „Основни хидрографски карактеристики на притоките на реката Треска“ (PDF). Географски разгледи. Скопје: Македонско географско друштво. 2012 (46): 37–49. ISSN 1409-908X.

Координати: 41°58′50″N 21°18′36″E / 41.98056° N; 21.31000° E / 41.98056; 21.31000