Пиј III (лат. Pius PP. III; 29 мај 1439 - 18 октомври 1503) — римски папа од 22 септември до 18 октомври 1503[1]. По смртта на папата Александар VI, во изборот за папа учествувале и францускиот кардинал д'Амбуаз и Џулиано дела Ровере, кој се вратил од прогонство, но ни едниот ни другиот не освоиле мнозинство на гласови. За папа бил избран миленикот на папата Пиј II Пиколмини, кој во тоа време бил само ѓакон. Неговиот понтификат траел само 27 дена, а се претпоставува дека бил отруен, но за тоа нема докази.
