Опсада на Белград (1456)

Опсада на Белград (унгарски: Nándorfehérvári diadal, турски: Belgrad kuşatması) — втор обид на Отоманското Царство да го освои градот. Опсадата на градот траела од 4 јули до 22 јули 1456 година. По Падот на Цариград, главен противник на Османлиите станало Кралство Унгарија. Султанот Мехмед II со својата огромна војска се упатил кон Смедерево, кој град бил престолнина на Српското Деспотство, и Белград кој претставувал најголемото унгарско упориште на јужната страна од својата граница.

Опсада на Белград
Датум 4 јули – 22 јули 1456 Место Белград, Кралство Унгарија (денешна Србија) Исход христијанска победа, повлекување на отоманската војска
Завојувани страни
Кралство Унгарија Срби европски крстоносци	Османлиско Царство
Команданти и водачи
Јанош Хунади	Мехмед II
Сила
околу 4.000 добро вооружени војници армија од околу 60.000 200 бродови	околу 30,000 војници 200 бродови
Жртви и загуби
?	28 топови 100 галии 13,000 војници

Големите османлиски сили не ги дочекале обединети христијанските армии. Дури ниту самата Унгарија не постигнала договор околу заедничката војна против Османлиите. Војската која била бранета Белградската тврдина била предводена од Јанош Хунади, како и мал дел од српските сили на деспотството.

Еден од најзначајните настани од оваа опсада било уништувањето на османлиската флота на 14 јули 1456 година на реката Дунав. Согледувајќи дека градот нема да можат да го освојат преку Дунав, Османлиите се решиле да нападнат со сите свои сили по копнен пат на 21 јули. Опсадата на Белград, подоцна, била опишена како решавачка судбина за христијанството од страна на Папа Каликст III.