Омалос
Омалос (грчки: Ομαλός) — село на островот Крит, во општината Платанија на округот Хања, Грција. Населението брои 22 жители (2021).
| Омалос Ομαλός | |
|---|---|
 Поглед на селото | |
  Омалос | |
| Координати: 35°20′N 23°54′E / 35.333° СГШ; 23.900° ИГД | |
| Земја | Грција |
| Област | Крит |
| Округ | Хања |
| Општина | Платанија |
| Општ. единица | Мусури |
| Надм. вис. | 1.040 м |
| Население (2021)[1] | |
| • Вкупно | 22 |
| Часовен појас | EET (UTC+2) |
| • Лете (ЛСВ) | EEST (UTC+3) |
Географија и местоположба уреди
Селото се наоѓа во североисточниот агол на висорамнината Омалос, во подножјето на Лефка Ори (позната и како „Бела Планина“), на 38 км јужно од градот Хања, на надморска височина од 1.040 м. Се наоѓа на 4 км од влезот во Ксилоскалната клисура.
Самото плато, на кое се наоѓа селото, има површина од 15 км² и има три приоди кон него: од запад по патот Ханија-Сугија, од север од селото Омалос и од југ, од кањонот Самарија води до брегот на Либиското Море.
Стопанство уреди
Плодната почва на платото и малку поладната клима го фаворизираат одгледувањето на култури како што се компири, јаболка и житарки. Сточарството исто така е традиционално развиено бидејќи овчарите ги преместуваат своите стада да пасат на падините на планината Лефка Ори во лето.[2]
Овде сè уште може да се видат млекарниците за сирење по кои областа е позната. Станува збор за камени куќи наречени „митато“, кои во исто време служат и како засолниште за овчарите, но и за правење на познатото локално сирење.[3]
Денес селото е појдовна точка за голем број туристи кои ја посетуваат клисурата Самарија, која е и национален парк. Затоа, таму постои и информативен центар кој обезбедува информации за посетителите.
Наводи уреди
- ↑ „Попис на населението од 2021 г. Трајно население“. Државен завод за статистика на Грција.
- ↑ Loraine Wilson, The High Mountains of Crete: A walking and trekking guide, Cicerone Press, 9.09.2010 г.
- ↑ Antonis Plymakis, Koúmoi-Mitáta kai Boskoi sta Leuká Ori kai Psiloriti („Shepherd's huts and shepherds in the Lefka Ori and the Psiloritis“), Chania, 2008, 630 p.