ОУ „Тодор Ангелевски“ - Битола

Основно училиште „Тодор Ангелевски“ (официјално: Основно општинско училиште „Тодор Ангелевски“ - Битола; скратено: ООУ „Тодор Ангелевски“) — централно основно училиште во градот Битола, Општина Битола.

Тодор Ангелевски
Поглед на училиштето
Место
Општина:	Општина Битола
Наречено по:	Тодор Ангелевски
Нас. место:	Битола
Адреса:	ул. „Илинденска“, бр. 82
Местоположба
Основни информации
Директор:	Стевче Петровски
Настава на:	македонски
Контактни информации
Мреж. место	www.todorangelevski.blogspot.com/
Телефон	047/622-337

Училиштето е именувано по македонскиот комунист, учител, борец против фашистичкиот окупатор и еден од првите учесници во НОВ Тодор Ангелевски.

Местоположба

Училиштето се наоѓа помеѓу населбата Баир и населбата Ушици.

Особености

Училиштето Тодор Ангелевски е добро опремена зграда на два ката каде наставата редовно ја посетуваат ученици од прво до осмо одделение. Покрај редовната настава додатните часови и секциите помогнале ова училиште да учествува на општински, регионални и републички натпревари каде има освоено многу награди. Има голем број на кабинети и училници каде наставата редовно и успешно се изведува.

Подрачни училишта

Во склоп на централното основно училиште функционира и подрачното основно училиште во приградската населба Горно Оризари во кое настава посетуваат ученици од населбата Горно Оризари и населбата Стрелиште. Училиштето во Стрелиште е подрачно петгодишно основно училиште.

Познати личности кои учеле во ова училиште

• Кире Костов - композитор и диригент
• Марина Коруновска - оперска пејачка, сопран;
• Христијан Спировски - пијанист
• Архимандрит Партениј Фидановски-Игумен на Бигорски Манастир
• Аница Алексова Тасевска - автор на ученици и збирки задачи по математика

Познати личности кои предавале во ова училиште

• Соња Атанасовска-Цигарида - првата наставничка на влашки јазик во Република Македонија по 70 години.