ОУ „Кирил и Методиј“ - Стојаково

За други значења на поимот, погл. ОУ „Кирил и Методиј“.

Основно училиште „Кирил и Методиј“ (официјално: Основно општинско училиште „Кирил и Методиј“ - Стојаково; скратено: ООУ „Кирил и Методиј“) — централно основно училиште во селото Стојаково, Општина Богданци.

Кирил и Методиј
Поглед на училиштето
Место
Општина:	Општина Богданци
Наречено по:	Свети Кирил и Методиј
Нас. место:	Стојаково
Адреса:	ул. „Маршал Тито“, бр. 60, с. Стојаково
Местоположба
Основни информации
Основано:	1944 (1944)
Настава на:	македонски
Контактни информации
Мреж. место	ooukirilimetodij.mk/
Е-пошта	kirilimetodij@yahoo.com
Телефон	034/235-325
Факс	034/235-325

Училиштето е именувано по словенските просветители Свети Кирил и Методиј.

Местоположба

Училиштето се наоѓа во средишниот дел на селото, спроти главната селска црква „Св. Недела“.

Историја

Пред да биде создадено училиштето, во Стојаково имало настава во патријаршиското училиште, кое работело само во топлите месеци од годината, а наставата била во црковната припрата.

Во 1870 година било отворено првото народно училиште со околу 80 ученици, кое во 1880-тите години прераснало во про-гимназијално училиште, во кое учеле и деца од околните места.

Од 7 ноември 1944 година, училиштето работело како третокласно про-гимназијално училиште под името „Кирил и Методиј“ и наставата се изведувала на македонски јазик, а во учебната 1952/53 година, училиштето станало осумгодишно.

Денес, училиштето поседува градба на површина од 2700 м² со одлични просторни капацитети, современо опремени училници, училишна библиотека со фонд кој континуирано се зголемува, новоизградена спортска сала со површина од 1200 м², хортикултурно уреден и комплетно ограден училиштен двор.

Настава

Во училиштето наставата се изведува на македонски наставен јазик.

Подрачни училишта

Во составот на училиштето влегува следниво подрачно училиште:

• ПУ „Кирил и Методиј“ - Селемли, подрачно петгодишно училиште на македонски наставен јазик.

Галерија

• 
  Влезот
• 
  Дворот
• 
  Спортската сала
• 
  Поглед на училиштето

Надворешни врски

• Официјална страница