Елпски тунел (1975)

Новиот Елпски тунел (германски: Neuer Elbtunnel), често едноставно нарекуван и Елпски тунел (германски: Elbtunnel) поминува под реката Елба во северна Германија.

Елпски тунел
Јужен влез на Елпскиот тунел
Носи	8 ленти
Преминува	Елба
Место	Хамбург, Германија
Официјален назив	Elbtunnel
Одржувач	Сојузна Република Германија, Autobahnmeisterei
Особености
Вкуп. должина	3.325 метри
Историја
Почнат	1968
Завршен	1975
Отворен	10.01.1975
Сообраќај
Дневен сообраќај	123.000
Местоположба

Опис

Елпскиот тунел има должина од 3,1 километар. Како дел од Автопатот 7 во Хамбург, тунелот ја создава врската помеѓу Шлезвиг-Холштајн (и понатаму кон Данска) на север и Долна Саксонија на југ. Има 8 ленти во 4 жлебови. Најновиот, четврти жлеб е единствениот со систем за намалување и подобро справување при сообраќајни несреќи.

Историја

Тунелот бил изграден од 1968 до 1975 со три жлеба, содржејќи вкупно шест автопатски ленти, опслужувајќи го градот Хамбург. На 10 јануари 1975, канцеларот на Германија Хелмут Шмит го отворил Елпскиот тунел. Тунелот бил изграден со капацитет за 65.000 возила дневно.

Поглед на Хамбуршкото пристаниште (на југоисток)

Во 1989 биле изградени бетонски пречки на трите јужни влезови. Во време на војна овие бариера требало да експлодираат од нивните постојани места. Бариерите биле повлечени во 2000, во текот на изградбата на четвртиот жлеб.

Проширување

Да се исполнат барањата на зголемениот сообраќај, на 27 октомври 2002, четвртиот жлеб бил отворен со дополнително две ленти. Тој бил пробиен низ дното од најголемите машини за тунели во светот, предната плоча на машините биле 14,65 метри во пречник. Машината била именувана Труде, кратка форма од името Гертруд и акроним за Tief runter unter die Elbe (длабоко под реката Елба). Европската вселенска агенција помогнала во инженерските аспекти на проектот за тунелот при пробивањето на самиот тунел.

Тунелот има ревезибилни ленти, кои ја менуваат насоката во однос на предвидувањето на патничките текови, слично на оние во Тунелот Калдекот во Оукленд. Така, на пример, повеќе ленти се достапни за време на утрото кон центарот на градот во северниот правец Флензбург, а повеќе во јужен правец кон Хановер за време на вечерните часови.

Плоча за пробивање на Елпскиот тунел

Контролен систем

Бирото за тунелот врши контрола на сообраќајот преку 72 визуелни монитори. Семафори, пречки на автопатот и различни пораки се користат за регулирање на 150.000 возила секојдневно.

Сите жлебови се опремени со автоматска контрола на висината на секој влез. Штом возило со висина повеќе од 4 метри влегува во тунел, системот ќе го запре целиот сообраќај во таа лента и ќе го насочи сообраќајот. Ова ќе осигури дека високите камиони нема да му нанесат штета на тунелот. Противпожарната единица во тунелот и полицијата ќе го насочат камионот, така што сообраќајот ќе може слободно да тече.

Поврзано

• Стар Елпски тунел, исто така познат како „Санкт Паули“
• Сојузен автомат 7

Литература

• Ulrich Alexis Christiansen: Hamburgs dunkle Welten. Der geheimnisvolle Untergrund der Hansestadt. Ch.Links Verlag, Berlin 2008, ISBN 3-8615-3473-8 (in German)