Никос Чаусидис
Никос Чаусидис (17 јули 1959, Ташкент, поранешен СССР) е археолог и професор кој живее и работи во Скопје.
| Никос Чаусидис | |
|---|---|
| Роден(а) | 17 јули 1959 Ташкент, СССР |
| Занимање | Археолог, професор |
Животопис уреди
Во 1984 г. дипломирал на Филозофски факултет - катедра за историја на уметноста со археологија. Од 1 јануари 1986 г. работи на Институтот за историја на уметноста со археологија како помлад асистент, а подоцна како доцент и професор.
Во 1986 г. се запишува на постдипломски студии по археологија на истиот факултет. Ги завршува во 1992 г. со одбрана на магистарскиот труд под наслов: „Паганската религија на Јужните Словени и нејзиниот одраз во нивната материјална култура”. Истата година е избран во звање асистент по предметот Музеологија и конзервација. Во 2002 година се здобил со звањето доктор на археологија (наслов на дисертацијата: Рано-средновековните двоплочести фибули и претхристијанската духовна култура на Словените" одбранет на Филозофскиот факултет во Скопје, на Институтот за историја на уметноста и археологија).
Во функција на стручен раководител, автор на елаборатот и на најголем дел од текстовите на проектот „Македонски древности”, од кој е изработен компакт диск (CD) во кој преку текст, слика, филм, компјутерски анимации, музика и говор претставена е културната историја на почвата на Република Македонија и нејзиното поблиско окружување, од предисторијата до крајот на XIV век.[1]
Автор е на следните трудови:
„Митските слики на Јужните Словени“ (Скопје, 1994)
„Дуалистички слики - богомилството во медиумот на сликата“ (Скопје, 2003)
„Космолошки слики: симболизација и митологизација на космосот во ликовниот медиум“ (Скопје, 2005)
„Музеологија, Скопје: Филозофскси факултет, 2012 (универзитетски учебник);
„Проектот Скопје 2014: скици за едно наредно истражување“ (Скопје, 2013) (електорнско издание)[2].
„Македонските бронзи и религијата и митологијата на железнодобните заедници од Средниот Балкан“ (Скопје, 2017)[3]
Соавтор:
„Македонија - културно наследство“ (Скопје, 1995)
„Неолитски антропоморфни предмети во Република Македонија“ (Скопје, 2011) (во соавторство со Г. Наумов)[4];
Автор е на над 100 научни публикации, објавени во стручни списанија и зборници во Македонија и странство.
- ↑ „Македонско археолошко научно друштво“. www.mand.org.mk. Архивирано од изворникот на 2012-12-01. Посетено на 2019-10-23.
- ↑ „ПРОЕКТОТ СКОПЈЕ 2014 – СКИЦИ ЗА ЕДНО НАРЕДНО ИСТРАЖУВАЊЕ | okno.mk“. okno.mk. Посетено на 2019-10-23.
- ↑ „Центар за истражување на предисторијата | ЦИП“. www.cip-cpr.org. Архивирано од изворникот на 2019-09-11. Посетено на 2019-10-23.
- ↑ „Neolithic anthropomorphic objects in the Republic of Macedonia - Goce Naumov, Nikos Čausidis“. Issuu (англиски). Посетено на 2019-10-25.