Никола Баснарков
Никола Баснарков (Ваташа, 1932 — Кавадарци, 1987) — македонски сликар и просветител.[1][2]
| Никола Баснарков | ||
| Роден | 1932 Ваташа, Македонија како дел од Кралство Југославија | |
|---|---|---|
| Починал | 1987 Кавадарци, Македонија како дел од СФР Југославија | |
| Националност | Македонец | |
| Занимање | сликар | |
Животопис
уредиРоден е во 1932 година во тиквешкото село Ваташа. Завршил Средно уметничко училиште, насока применета уметност и Уметничка академија во Скопје. Баснарков станал еден од најзначајните акварелисти во Македонија. Во својата кариера имал 9 самостојни изложби и учествувал на 4 групни изложби и колонии.[1][2]
Георги Арсовски за Басарков запишал: „Она што плени кај Баснарков при првата средба со неговите акварели е чувството дека се среќаваш со уметник што знае што сака“. За изложбата „Современ македонски акварел“, Скопје 1984 година, на која учествувал и Баснарков, критичарот Владимир Величковски напишал: „Еден од најпопуларните акварелисти е Никола Баснарков, кој во своите дела покажува префинето чувство за односот меѓу тоновите.[1][2]
Починал во Кавадарци во 1987 година. По неговата смрт биле одржани три ретроспективни изложби на неговото творештво — Кавадарци (1992), Скопје (1993) и Куманово (1993).[1][2]
Поврзано
уредиНаводи
уреди- ↑ 1,0 1,1 1,2 1,3 Камчевски, Петре (2012). „80 години од раѓането на Никола Баснарков“ (PDF). Кав'даречки Весник. III (59): 7. Архивирано од изворникот (PDF) на 2014-02-11.
- ↑ 2,0 2,1 2,2 2,3 Камчевски, Петре (2012). Ваташа. Кавадарци: Музеј-Галерија Кавадарци. стр. 405. ISBN 978-608-4621-04-1.