Национален парк Јазмунд

Националниот парк Јазмунд (германски: Nationalpark Jasmund) е природен резерват на полуостровот Јазмунд, во североисточниот дел на островот Риген, во сојузната покраина Мекленбург-Западна Померанија, Германија. Тој е познат по најголемите кредести карпи во Германија, т.н. Кенигсштул (Königsstuhl; „кралски стол“). Овие карпи се високи до 161 метар над Балтичкото Море. Недопрените букови шуми над и зад карпите се исто така дел од националниот парк.

Национален парк Јазмунд
Nationalpark Jasmund
МСЗП — Категорија II (национален парк)
Карпи и брег во националниот парк
Место	Мекленбург-Западна Померанија, Германија
Најблизок град	Засниц, Штралзунд
Површина	30 км²
Воспоставен(а)	12 септември 1990

Букови шуми во Карпатите и древни букови шуми во Германија

светско наследство на УНЕСКО
Критериум	природно: ix
Навод	1133bis
Запис	2007 (XXXI заседание)
Дополнувања	2011

Протегајќи се на 30 км², ова е најмалиот национален парк на Германија. Паркот бил основан во 1990 од последната влада на Источна Германија, пред повторното обединување на Германија.

На 25 јуни 2011, буковите шуми во националниот парк биле додадени на списокот на УНЕСКО за светско природно наследство, како дел од направеното проширување на буковите шуми во Карпатите и древните букови шуми во Германија.

Кредести карпи

Кредестите карпи се соочуваат со постојана ерозија. Со секоја бура, делови од карпите отпаѓаат, вклучувајќи камења и фосили на сунѓери, остриги и морски ежови.

Најизвонреден дел од карпите е 118 метри високиот Кенигсштул (Königsstuhl; „кралски стол“). Еден од најсликовитите делови и најпознат по кредестиот надворешен слој, Висовер Клинкен (Wissower Klinken), паднал во Балтичкото Море на 24 февруари 2005 во лизгање на земјиштето предизвикано од пролетното топење.

Флора и фауна

Поради специјалните геолошки одлики на Националниот парк Јазмунд, тој е дом на многу ретки растенија и животни.

Постојат многу мали езерца-мочуришта во шумите зад карпите. Во шумите Штубниц постојат бројни неисушени дупки и јами исполнети со вода, многу од нив настанати од леденото доба. Ова е место на многу растенија, како црна јасика, диво јаболко, тиса и видови на орхидеи.

Орнитологистите може да најдат разновидни птици, дел од нив се белоопашест орел, рибарче, градска ластовичка и сив сокол.

Посетители

Од неговото основање во 1990, Националниот парк Јазмунд привлекува стотици илјади посетители годишно. Затоа, една од основните задачи на властите на националниот парк е да управува со овој наплив на посетители со цел да обезбеди туристите да не го нарушат и попречат животот на животните, во истовремено обезбедувајќи им на посетителите да ја видат и почувствуваат природата во областа. Во март 2004 бил отворен центарот за посетители, наречен Кенигсштул.

Галерија

• 
  Кенигсштул (кралски стол)
• 
  Кенигсштул погледнат од југ
• 
  Викториин поглед (Victoria-Sicht) и Кенигсштул од горе
• 
  Викториин поглед и Кенигсштул од Балтичкото Море
• 
  Поглед надолу на белите карпи
• 
  Кредестите карпи
• 
  Штубенкамер (Stubbenkammer)
• 
  Висовер Клинкен (Wissower Klinken)
  (април 2004)
• 
  Висовер Клинкен
  (август 2005)
• 
  Викториин поглед
• 
  Езеро/мочуриште
• 
  Центар на националниот парк Кенигсштул

Надворешни врски

• Слики од Националниот парк Јазмунд и информации за карпите Архивирано на 23 октомври 2012 г. (англиски)
• Официјална страница (германски)