Момчето и чапјата
Момчето и чапјата (јапонски: 君たちはどう生きるか, буквално: Како живеете?) — долгометражен аниме-филм во режија на Хајао Мијазаки. Изворниот наслов е преземен од истоимената книга од 1937 г. на Јошино Гензабуро, но заплетот на филмот на ниту еден начин не е поврзан со романот. Во северноамериканската и македонска распределба, филмот бил наречен „Момчето и чапјата“ (англиски: The Boy and the Heron).[2][3]
| „Момчето и чапјата“ | |
|---|---|
.png) Плакатот на македонски јазик | |
| Режисер | Хајао Мијазаки |
| Продуцент | Тошио Сузуки |
| Сценарист | Хајао Мијазаки |
| Главни улоги | |
| Музика | Џо Хисаиши |
| Кинематографија | Ацуши Окуи |
| Монтажа | Такеши Сејама |
| Студио | студио Гибли |
| Дистрибутер | Toho |
| Премиера | 14 јули 2023 г. (Јапонија) 11 април 2024 г. (Македонија) |
| Времетраење | 124 минути |
| Земја |  Јапонија |
| Јазик |
|
| Бруто заработка | 294,2 милиони долари[1] |
Заплетот е заснован на приказната за момчето по име Махито Маки, кое открива напуштена кула во неговиот нов град и се наоѓа во фантастичен свет со зборувачка сива чапја.
„Момчето и чапјата“ имал премиера во Јапонија на 14 јули 2023 г. Филмот учествувал на многу меѓународни кинофестивали. Филмот бил прикажан и во редовните кина и во други првокласни формати како што е IMAX.
Новоотвореното студио „Гибли“ било одговорно за анимацијата. Филмот е распределен од Toho. Објавувањето на филмот било обележано со намерно отсуство на каква било промоција, бидејќи студио Гибли одлучило да не објавува никакви трејлери, слики, содржина или подробности за глумечкиот состав пред неговото објавување, со исклучок на еден плакат. Недостатокот на рекламирање имал потврден ефект врз киноблагајните, ефектот на необјавување бил дури и подобар отколку што очекувала киноиндустријата.
Филмот бил топло примен и од обичните гледачи и од професионалните кинокритичари. Бил предложен за голем број национални и меѓународни награди и добил многу од нив, вклучително и престижни кинонагради како Оскар, Златен глобус и БАФТА.
Премиерата на филмот во Македонија била на 11 април 2024 г.[4]
Содржина
уредиВо 1943 г., за време на Втората светска војна, мајката на 12-годишниот Махито Маки, Хисако, била убиена за време на воздушен напад на Токио. Таткото на Махито, Шоичи, сопственик на фабрика за авионско стреливо, се жени за Нацуко, помладата сестра на неговата покојна сопруга, и тие се евакуираат на нејзиниот селски имот, каде што живеат со неколку постари слугинки. Во новиот град, на Махито му е тешко: не се вклопува во училишниот живот и доживува напнати односи со бремената Нацуко. Покрај тоа, на имотот, Махито запознава таинствена сива чапја, која често го мачи.
Еден ден, враќајќи се дома по тепачка со други ученици, Махито намерно се ранува во слепоочницата со камен за да изгледа како жртва. Додека се опоравува од раната на имотот, Махито ја открива книгата Како живеете? со обраќање до него, напишано со ракопис на мајка му, која сакала да му подари книга кога ќе порасне. Махито открива дека чапјата може да зборува и всушност е мало човече што живее во телото на чапјата. Чапјата го задева Махито и го води до таинствена кула во шумата недалеку од неговата куќа, која ја изградил неговиот исчезнат прадедо Масато, познат архитект. Чапјата тврди дека мајката на Махито е жива и бара од него да влезе во кулата за да ја спаси. Махито се двоуми дали да го направи тоа, но кога еден ден ќе ја види Нацуко како оди во шумата, тој решава да ѝ помогне и влегува во кулата, наоѓајќи се во волшебен свет.
Во овој свет, Махито се среќава со различни ликови, вклучувајќи ги Кирико, девојка морнар што е помлада верзија на слугинката на имотот; Хими, девојка со волшебни моќи што им помага на Махито и Кирико; и прадедото на Нацуко, кој владее со светот како моќен волшебник. Махито, Хими и чапјата навлегуваат во замокот чуван од папагали човекојадци и ја наоѓаат Нацуко, која се спротивставува да замине со нив сѐ додека Махито не ја нарече своја мајка. Во вистинскиот свет, слугинките му кажуваат на таткото на Махито дека кулата не била изградена, туку била образувана откако метеорит паднал на земјата, и дека кога неговата прва сопруга Хисако била помлада, таа еднаш исчезнала цела година, а потоа необјасниво, се вратила, не сеќавајќи се на ништо за тоа што се случило.
За време на нејзиното бегство, Хими е заробена од папагалите. Откако ја спасува Хими од кралот на папагалите, Махито го запознава својот прадедо. На Махито му ги покажува градежните блокови, слични на детска конструкција, што ги користел за да одржува рамнотежа во светот, како и гигантски лебдечки камен што ја содржи неговата моќ. Дедото го замолува Махито да се грижи за каменот и да одржува рамнотежа во светот, објаснувајќи дека само оние што се поврзани со него по крв и немаат зла намера можат да го управуваат каменот. Махито одбива, претпочитајќи да се врати во својот свет и му кажува на дедо му дека раната на главата покажува дека не е ослободен од злото. Кралот на папагалите, сакајќи да ја узурпира моќта на неговиот прадедо, ги преполовува градежните блокови, уништувајќи го каменот и предизвикувајќи го волшебниот свет да се самоуништи. Бегајќи, Махито ја поканува Хими да ја однесе во неговиот свет, но Хими одбива, изјавувајќи дека таа е помлада верзија на Хисако и дека таа и Кирико мораат да се вратат во своето време за да може да се роди Махито. Махито, Нацуко и чапјата се враќаат во својот свет и повторно се спојуваат со таткото на Махито. На крајот од приказната, гласот на Махито вели дека две години по завршувањето на војната се вратиле во Токио, а момчето со своите работи оди во ходникот кај неговото среќно семејство што го чека.[5]
Озвучување
уреди| Глумец | Улога |
|---|---|
| Сома Сантоки | Махито Маки |
| Масаки Суда | сивата чапја |
| Аимјон | Хими |
| Јошино Кимура | Нацуко |
| Такуја Кимура | Шоичи Маки |
| Шохеи Хино | прадедото |
| Ко Шибусаки | Кирико |
| Џун Кунимура | кралот на папагалите |
Наводи
уреди- ↑ Tartaglione, Nancy (2024-04-15). „Godzilla x Kong Roars Past $436M WW; Kung Fu Panda 4 Tops $450M; Latest Detective Conan Huge In Japan – International Box Office“. Deadline Hollywood. Архивирано од изворникот April 15, 2024. Посетено на 2024-04-15.
- ↑ „The Boy and the Heron“ (англиски). Предлошка:Iw. Архивирано од изворникот на 2023-09-13. Посетено на 2023-07-15. Занемарен непознатиот параметар
|deadlink=(се препорачува|url-status=) (help) - ↑ Patrick Frater (2023-07-14). „Miyazaki Hayao's Final Film to Be Known as 'The Boy and the Heron,' Sets North America Release“ (англиски). Variety. Архивирано од изворникот 2023-07-14. Посетено на 2024-04-27.
- ↑ „Момчето и чапјата | Киноверзум МК“. Посетено на 2024-09-13.
- ↑ „THE BOY AND THE HERON“. The Movie Spoiler (англиски). Архивирано од изворникот 2024-04-07. Посетено на 2024-04-07.
Надворешни врски
уреди- Момчето и чапјата на Toho
- Момчето и чапјата на
Семрежната филмска база на податоци (англиски)
