Министерство за одбрана на Македонија
Министерството за одбрана на Македонија — едно од прво втемелените министерства по осамостојувањето во 1991 година и ја презема контролата врз Армијата на Република Македонија во соработка со претседателот на државата. Актуелен министер за одбрана е Владо Мисајловски.
| Министерство за одбрана | |
|---|---|
| |
| Податоци за органот | |
| Основан | 1991 |
| Надлежност | Влада на Македонија |
| Седиште | Скопје,  Македонија
|
| Вработени | 9,064[1] (2024) |
| Годишен буџет | 7.9 милијарди MKD[2] (2024) |
| Надлежен министер | Владо Мисајловски |
| Мрежно место | |
| morm.gov.mk | |
Структура
уредиУправното уредување и процедурите во областа на одбраната во Република Македонија се дефинирани со уставотот, законот за одбрана и со задачите на законодавната и извршната власт. Командувањето во вооружените сили е засновано врз единството во командувањето при употребата на силите и средствата, едностарешинството и обврската за извршување на одлуките и наредбите на претпоставениот.
Меѓукоординација на државните органи
уредиПретседателот на Република Македонија е Врховен командант на вооружените сили.
Претседателот ги донесува одбранбениот план и стратегија, одлуките за спроведување на готовноста, ја одобрува организациско-формациската структура на армијата, донесува документи за развој, одлуки за нејзина мобилизација и друго. Претседателот исто така претседава и со Советот за безбедност на Република Македонија. Советот за безбедност ги разгледува прашањата сврзани со безбедноста и одбраната на Република Македонија и дава предлози на Собранието и на Владата.
Собранието на Република Македонија ги надгледува компетенциите на Владата сврзани со одбраната, донесува одлуки за постоење на непосредна закана од војна, прогласува настанување на воена состојба и мир и го донесува воениот буџет. Слични одговорности има и собраниската комисија за одбрана и безбедност.
Владата на Република Македонија ги има надлежностите во врска со донесувањето на предлогот на одбранбениот план, предлогот на буџетот за одбрана и друго.
Министерството за одбрана ја подготвува одбранбената стратегија, ја изработува проценката на можните ризици и закани, одговорно е за одбранбениот систем, обуката и готовноста на вооружените сили, опременоста и развојот, го предлага буџетот за одбрана и друго.
Поврзано
уредиНаводи
уреди- ↑ „Извештај за следењето на примената на начелото на соодветна и правична застапеност за 2024 година“ (PDF). Народен правобранител на Република Македонија. јуни 2024. Архивирано од изворникот (PDF) на 2024-04-18. Посетено на 2024-06-08.
- ↑ „Буџет на Република Македонија за 2024 година“. Министерство за финансии на Република Македонија. Архивирано од изворникот на 2024-04-22. Посетено на 2024-04-22.
Надворешни врски
уреди- Службена страница на Министерството за одбрана на РМ Архивирано на 18 февруари 2022 г.