Методија Николовски
Методија Манојлов Николовски ( 1919 во Бродец (Скопско) — 1944 во Скопје) — македонски партизан, борец за слобода на Македонија и учесник во НОВ.[1]
Животопис уреди
Произлегува од сиромашно семејство. Завршил основно образование во родното место. Потоа се доселил во Скопје со цел да заработи за живот. Тука се поврзал со народноослободителното движење и работел во подготовките за оружено востание против окупаторот. Во септември 1944 година стапил во Дванаесеттата македонска ударна бригада. Уште од првиот ден учествувал во борбите против балистичките банди, како и во борбите на железничката линија Скопје - Велес против Германците. Во октомври 1944 година, загинал во една борба против балистите на падините на Водно.[1]