Бродец (Скопско)
Бродец — село во Општина Чучер-Сандево, во околината на градот Скопје. Според пописот од 2002 година, во селото живееле 3 жители.
| Бродец | |
  Бродец Местоположба на Бродец во Македонија
Бродец на карта
| |
| Координати 42°8′27″N 21°26′25″E / 42.14083° СГШ; 21.44028° ИГД | |
| Општина |  Чучер-Сандево
|
| Население | 11 жит. (поп. 2021)[1]
|
| Шифра на КО | 25017 |
| Надм. вис. | 969 м |
|
Бродец на општинската карта  Атарот на Бродец во рамките на општината | |
 Бродец на Ризницата
| |
Извадок од приказна раскажана од човек од Бродец на месниот скопскоцрногорски дијалект | |
| Проблеми со пуштањето? Помош. | |
Географијa и местоположба уреди
Селото Бродец се наоѓа на Скопска Црна Гора северно од Скопје оддалечено од градот Скопје околу 15 км.
Историјa уреди
Во XIX век, селото е дел од нахијата Кара Даг во Скопската каза во Отоманското Царство. Според опширните османлиски дефтери за населението на Скопската Каза од 1832/33 година, селото било христијанско, со 18 христијански домаќинства. На овој попис биле забележани 77 мажи христијани, со 12 новороденчиња. Се проценува дека селото во тој период имало 178 жители.
Стефан Верковиќ во 1857 го бележи со 231 жител.[2]
Според статистиката на Васил К’нчов („Македонија, Етнографија и статистика“) од 1900 година, во Бродец живееле 200 жители Македонци[3] христијани. Според егзархискиот секретар Димитар Мишев, („La Macédoine et sa Population Chrétienne“) во 1905 година во Бродец имало 264 патријаршисти.
Во 1913 година, во селото биле евидентирани 338 жители. Било центар на Општина Бродец.[4]
Според германска карта издадена во 1941 година, а заснована на пописот на Кралство Југославија во 1931 година, селото имало 300 Македонци.[5]
Население уреди
|
| |||||||||||||||||||||||||||||||||
Според пописот од 2002 година, во селото имало 3 жители, Македонци.
Според последниот попис од 2021 година, во селото живееле 11 жители, од кои 7 Македонци, 1 Србин и 3 лица без податоци.[6]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 200 | 264 | 191 | 170 | 129 | 44 | 28 | 14 | 6 | 3 | 11 |
- Извор за 1900 г.: Македонија. Етнографија и статистика.[7]; за 1905 г.: La Macédoine et sa Population Chrétienne.[8]; за 1948-2002 г.: Државен завод за статистика на РМ.[9]; за 2021 г.: Државен завод за статистика на РМ.[10]
Родови уреди
Родови во селото се: Влашчани (2 к.) потекнуваат од предок Влав, он најпрво престојувал на планината Спопска Црна Гора, овој род се дели на Гижаровци, Зајчовци и Бостанџиовци; Лабурини (5 к.) и Саламандуровци (4 к.) потекнуваат од двајца браќа доселени од некое село кај Биначка Морава, во родот Саламандуровци се знае следното родословие: Драган (жив на 81 г. во 1969 година) Ацо-Петар-Стефко-Златан, поддалечните предци не ги памтат; Спасовци (4 к.) потекнуваат од предокот Спасо кој бил православен Ром, се доселил од селото Ѓерекара во областа Биначка Морава, го знаат следното родословие: Лазо (жив на 59 г. во 1969 година) Бојко-Цветко-Стефко-Стефан, поддалечните предци не ги знаат.[11]
Личности уреди
- Божин Николов (1923-1944) — македонски партизан, борец за слобода на Македонија и учесник во НОВ
- Божин Стијков (?-?) — македонски партизан, борец за слобода на Македонија и учесник во НОВ[12]
- Бојко Рановски (1923-1944) — македонски партизан, борец за слобода на Македонија и учесник во НОВ
- Велко Мерџановски (1910-1944) — македонски партизан, борец за слобода на Македонија и учесник во НОВ
- Методија Николовски (1919-1944) — македонски партизан, борец за слобода на Македонија и учесник во НОВ
- Младен Караџовски (?-1944) — македонски партизан, борец за слобода на Македонија и учесник во НОВ
- Младен Нешевски (1927-1944) — македонски партизан, борец за слобода на Македонија и учесник во НОВ
- Анче Кузмановски (1923-1945) — македонски партизан, борец за слобода на Македонија и учесник во НОВ
- Стојан Радовски (1923-1945) — македонски партизан, борец за слобода на Македонија и учесник во НОВ
Поврзано уреди
Наводи уреди
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Верковиќ, Стефан (1889). Топографическо-этнографическій очеркъ Македоніи. Санкт Петербург.
- ↑ Македонците биле забележани како Бугари.
- ↑ Речник на местата во ослободената област Стара Србија по службени податоци. Белград: Мил. Ант. Вујиќ. 1914.
- ↑ „200K Volkstumskarte Jugoslawien“.[мртва врска]
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Трифуноски, Јован (1971). Скопска Црна Гора. Скопје: Универзитет Кирил и Методиј.
- ↑ Беа, загинаа, останаа. Скопје: Историски Архив. 1969. На
|first=му недостасува|last=(help)
Надворешни врски уреди
- Сателитска снимка на Бродец на Карти на Гугл
 | Оваа статија за место во Македонија е никулец. Можете да помогнете со тоа што ќе ја проширите. |