Мариго

Мариго (француски: Marigot) е најголемото населено место и главен град на француската страна на островот Свети Мартин.

Мариго Marigot
Мариго
Координати: 18.0731° СГШ; 63.0822° ЗГД / 18.0731; -63.0822
Земја	Франција
Прекуморска заедница	Свети Мартин
Население (2006)
• Вкупно	5.700

Поглед на Мариго

Население

Населението брои 5.700 жители

Географија и клима

Мариго е сместен на западниот брег на островот Свети Мартин. Се протега од брегот на запад по должината на заливот Мариго, а на исток до ридовите во внатрешноста на островот. На југоисток се граничи со Симпсоновиот Залив.

Сообраќај

Градот го опслужува меѓународниот аеродром „Принцеза Јулијана“ и аеродромот „Л'Есперанс“. Има и траект кој оди до Блоуинг Поинт во Ангвила.

Историја и знаменитости

Местото првобитно било рибарско село крај мочуриштето, по кое е наречено. Во времето на Луј XVI, Мариго станал главен град по изградбата на утврдувањето Сен Луј на ридот близу заливот Мариго. Денес ова е најважниот објект во местото.

Мариго е типично карипско место со шарени куќи и кафеани по тротоарите. Пазарни денови се среда и сабота. По пазарите се продаваат најразлични производи - од тропско овошје и зеленчук како кокос, авокадо, сладок компир, разни зачини, риба, па до локални ракотворби и облека.

Во 1998 г, тука е сниман дел од филмот „Брзина 2“, кога бродот „Сиборн Леџенд“ се урива во островот.

Поврзано

• Свети Мартин (остров)

Надворешни врски

Свети Мартин - портал „Географија“ (англиски)