Маргаретен
Margareten
Податоци
Површина: 2,03 км2
Население: 52 548 (2001)
Густина: 25 885 ж/км²
Градоначалник: Курт Вимер (АСДП)
Мрежно место: www.wien.gv.at/margareten

Маргаретен (на германски: Margareten) e петтиот округ на главниот град на Австрија, Виена. Округот се наоѓа во внатрешната страна на виенскиот појас. Од 1861 година, округот е одвоен од Виден, прогласен и уреден како самостоен округ. Претставува густо населено подрачје со многу малку зелени површини. Маргарет е разгледуван како работен округ и располага со многубројни објекти кои му припаѓаат на градот. Процентот на население со странско државјанство, според податоците од 2001 година во Маргарет изнесува 23,2%, што за 6% поголемо од просекот во цела Виена. Притоа, 7% од населението имало српско и црногорско државјанство, додека 4,4% биле турски државјани. Следуваат Бошњаците со 2,3%, како и Хрватите и Германците со процент од 1 до 1,5. Вкупно, 32% од населението на округот е родено во друга земја. Само 64,4% од населението го има германскиот јазик за мајчин, потоа 13% зборуваат српско-хрватски, 7,6% турски, 1,1% унгарски.[1]

Наводи уреди

Поврзано уреди