Мал Воен Остров

Мал Воен Остров (српски: Мало ратно острво или Коњско острво) — речен остров кој се наоѓа во Белград, главниот град на Србија. Се наоѓа на сливот на реките Сава и Дунав. Иако ненаселен, островот е дел од имотот на Град Белград, и припаѓа на градската општина Земун.

Мал Воен Остров

МестоположбаУреди

Островот се наоѓа помеѓу јужниот брег на Голем Воен Остров и десниот брег на Дунав во општината Нов Белград (населбата Ушќе), на само 200 метри оддалеченост од сливот на Сава во Дунав.

ОсобеностиУреди

Островот бил значително поголем пред Втората светска војна. Кога изградбата на Нов Белград започнала во 1948 година, песокот од островот бил транспортиран до копното со големи транспортни средства и се користел за покривање на мочуриштето на кое требало да се гради новиот град. Во тој процес, островот се собирал. Денес, поетски се вели дека „Нов Белград е град на островот“.

Она што останало од островот е во основа тенок слој на земјиште, долго 300 метри и широко 60 метри. Островот е целосно покриен со вегетација (тополи) и недостапен за посетителите, но може да се забележи убаво од рестораните.