Магаревски манастир
Магаревски манастир — поранешен манастир во атарот на битолското село Магарево.[1] Од манастирскиот комплекс, денес останата е само црквата „Св. Ѓорѓи““.
 Стара фотографија на целиот комплекс | |
| Информации | |
|---|---|
| Манастир на: | МПЦ - ОА |
| Основан | 1871 |
| Посветен на | Ѓурѓовден |
| Епархија | Преспанско-пелагониска |
| Цркви | „Св. Ѓорѓи““ |
| Личности | |
| Место | |
| Место | село Магарево, Општина Битола,  Македонија |
| Координати | 41°02′42″N 21°14′00″E / 41.04500° СГШ; 21.23333° ИГД |
| Видливи остатоци | црква |
| Отворен за јавноста | да |
| Други информации | (Кукуречанска парохија) |
Сегашната манастирска црква потекнува од 1871 година. Изграден е на западната страна од црквата „Св. Димитриј“ на растојание од околу 500 метри. По изградбата голем придонес дал внукот на Димитриј Бишта, по име Петро Бишта кој спровел и водовод, така што летото 1945 година свечено пред гостите од двете села, Магарево и Трново, тој ја пуштил чешмата и шадрванот во дворот кои и ден денес функционираат благодарејќи на верниците од селото.
Манастирот функционирал како женски манастир. За време на Првата светска војна во реонот се воделе тешки борби и конаците на манастирот биле целосно разрушени и останал само манастирскиот храм.[2]
Наводи уреди
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ „Цркви и манастири во Националниот парк Пелистер“. Архивирано од изворникот на 2017-09-11. Посетено на 2017-11-26.
| „Магаревски манастир“ на Ризницата ? |