Куќа на Григор Прличев

спомен-куќа и музеј во Охрид

Куќа на Григор Прличев — стара куќа во градот Охрид, прогласена за значајно културно наследство на Македонија. Како родна куќа на писателот Григор Прличев, таа е претворена во негов спомен-дом, дел од Заводот за заштита на спомениците и музеј на градот.[1]

Куќа на Григор Прличев
Поглед на куќата со биста на Прличев
Карта
Општи податоци
Статусспоменик на културата
Видкуќа
Стилстароградски
ГрадОхрид
Земја Македонија
Завршенапочеток на XIX век
2000
Технички податоци
Катови2

Историја уреди

Куќата се наоѓа во стариот дел на градот, близу до Долни Сарај и црквата „Св. Софија“, во југоисточното подножје на повисокиот охридски рид, на улица „Григор Прличев“ бр. 66. Изградена е веројатно на почетокот на XIX век. Во 1930-тите била во урнатини. Кога Кирил Прличев се вратил во Охрид по бугарската окупација во 1941 г., тој не се вселил во родната куќа, туку во куќата на Ракичевиќ, која е во долниот дел на градот.[1]

Зачувани се два документа за оригиналниот изглед на куќата — скица на горниот кат од Нико Този од 1943 г. која се чува во Државниот архив во Софија и разгледница од 1915 г. Во 1997 г. е покрената иницијатива за обнова на куќата како спомен-дом на Прличев. Камен-темелникот е удрен во 1998 г. Архитект е охриѓанецот Митко Паскали. Дарител на средства бил стопанственикот Минчо Јорданов. Отворена е за јавноста на 6 февруари 2000 г.[1][2]

Поврзано уреди

Наводи уреди

  1. 1,0 1,1 1,2 „Меморијална куќа на Григор Прличев“. Национална установа – Завод за заштита на спомениците на културата и Mузеј – Охрид. Посетено на 8 септември 2017. no-break space character во |publisher= во положба 20 (help)
  2. Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 54.

Надворешни врски уреди