Куче што лае (хемиска реакција)

„Куче што лае“ ― егзотермна хемиска реакција која е резултат на палење на мешавина од јаглерод дисулфид и азотен оксид. Кога ќе се запали во цилиндрична цевка, реакцијата произведува силен блесок и гласно лаење - што потсетува на куче што лае.

Видео од „куче што лае“ во Институтот за хемија, Скопје.

Видео со реакцијата „куче што лае“ од Максим Биловицки.

Во едноставни поими, реакцијата „куче што лае“ е постапка на согорување, во кој горивото (јаглерод дисулфид, CS₂) реагира со оксидирачки агенс (азотен оксид, N₂O), произведувајќи топлина и елементарен сулфур. Предниот дел на пламенот во реакцијата е зона на многу жежок, прозрачен гас, произведен од реактантите кои се распаѓаат.

8 N₂O + 4 CS₂ → S₈ + 4 CO₂ + 8 N₂

Во април 1853 година, Јустус фон Либиг ја направил изведбата пред баварското кралско семејство; но, стаклениот сад се скршил, а парчиња стакло нанеле полесни повреди на лицата на кралицата Тереза, нејзиниот син принцот Луитполд и самиот Либиг.

Надворешни врски

• „Куче што лае“ (бавно движење) - периодичен систем на видеа, Универзитет во Нотингем
• „Куче што лае“ на мрежното место на Универзитет во Лидс Архивирано на 24 јануари 2019 г.
• Елементарни продукции: Реакција „куче што лае“ од мали размери @ youtube