Кристин Ото

Кристин Ото (родена на 7 февруари 1966 г.) — германски олимписки пливачки шампион. Таа е најпозната по успехот кој го остварила на Летните олимписки игри 1988 во Сеул, каде освоила шест златни медали, со што станала првата жена со освоени шест златни медали на една олимпијада. На Светските првенства, таа освоила седум златни и два сребрени медали, а на Европските првенства, таа освоила девет златни медали.

Кристин Ото
Кристин Ото во 1982 година
Лични информации
Целосно име	Кристин Ото
Роден на	7 февруари 1966(1966-02-07)
Роден во	Лајпциг, Саксонија, Источна Германија
Висина	&100000000000001850000001,85 м
Тежина	70 кг
Спорт
Земја	Источна Германија
Дисциплини	краул, делфин, грбно
Освоени медали Натпреварувач за Источна Германија Олимписки игри 1988 Сеул 50м краул 1988 Сеул 100м краул 1988 Сеул 100м делфин 1988 Сеул 100м грбно 1988 Сеул 4×100м краул 1988 Сеул 4×100м мешано Светски првенства 1982 Гвајакил 100м грбно 1982 Гвајакил 4×100м мешано 1982 Гвајакил 4×100м краул 1986 Мадрид 100м краул 1986 Мадрид 200м мешано 1986 Мадрид 4×100м краул 1986 Мадрид 4×100м мешано 1986 Мадрид 50м краул 1986 Мадрид 100м делфин Европски првенства 1983 Рим 4×100м краул 1983 Рим 4×200м краул 1987 Стразбур 100м краул 1987 Стразбур 100м грбно 1987 Стразбур 100м делфин 1987 Стразбур 4×100м краул 1987 Стразбур 4×100м мешано 1989 Бон 100м грбно 1989 Бон 4×100м мешано 1983 Рим 100м краул 1989 Бон 200м грбно

Кариера

Ото е родена во Лајпциг, Источна Германија, и започнала да плива на 12-годишна возраст, тренирајќи во спортска академија во Источна Германија. На 16-годишна возраст, таа учествувала на Светското првенство 1982 и го освоила златниот медал во трката на 100 метри грбно како и други два златни медали заедно со штафетниот тим на Источна Германија. По 1982 година, Ото ги променила тренерите и започнала да тренира други стилови на пливање. На следното Европско првенство, во 1983 година, Ото го освоила второто место на трката на 100 метри краул, завршувајќи зад сограѓанката Биргит Мејнеке.

Во 1984 година, Ото поставила светски рекорд во дисциплината 200 метри краул. Од неа се очекувало да освои многу златни медали на Летните олимписки игри 1984 во Лос Анџелес, но таа не била во можност да се натпреварува поради бојкотот на 14 земји од источниот блок, вклучувајќи ја и Источна Германија. Поради повреда таа морала да ја пропушти поголемиот дел од 1985 година, и не настапила на Европското првенство.

Ото се вратила да се натпреварува, пливајќи на Светското првенство 1986 во Мадрид, каде освоила четири златни медали (100 м краул, 200 м мешано, 4×100 м мешано and 4×100 м краул) и два сребрени медали (50 м краул, 100 м делфин). Нејзиниот успех продолжил на Европското првенство 1987 во Стразбур, каде таа освоила пет златни медали.

На Летните олимписки игри 1988 во Сеул, од неа повторно се очекувало да освои многу медали. Таа освоила шест златни медали, и поставила светски рекорди во дисциплините 50 м краул, 100 м краул, 100 м грбно и 100 м делфин.

Ото се повлекла од пливањето во 1989 година. Во 1993 година, таа бил примена во меѓународната пливачка куќа на славните. Таа моментално работи како спортски репортер за германска телевизија.