Улица Крештатик (Киев)

Улица Крештатик
	Вулиця Хрещатик
Поранешни називи:	Waclaw Worowski street (1923-1937), Eichhornstraße (1941-1943)
Поштенски број:	01001
Место:	Киев, Украина
Координати:	50°26′50.32″N 30°31′19.1″E / 50.4473111° СГШ; 30.521972° ИГД

Крештатик (украински: Хрещатик) е главната улица во Киев, Украина. Улицата е со должина од 1,2 километри и се протега од Европскиот плоиштад, преку Плоштадот на независноста до Бесаравискиот плоштад, каде се наоѓа истоимениот пазар.

Името Крештатик се верува дека е добиено од словенскиот збор крешт, кој значи крст. Самата улица наликува односно има форма на крст. Една мала река, Крештатиска река, минува покрај неа.

Улицата била целосно уништена во времето на Втората светска војна од страна на Црвената армија. По крајот на војната, таа била обновена во неокласичен стил и сталинистички стил. Улицата исто така била во голема мера реновирана по прогласувањето на независност на Украина во 1991 година.

Денеска, улицата претставува голем административен и бизнис центар во градот, како и популарно место за туристите. Од 2010 година, улицата се вбројува во десетте најскапи улици во светот.