Корисник:Bjankuloski06/Сливови во Македонија

Површинските води се најважниот дел на екосистемите во државата. Исто така, тие се просторно најраспространети и најблиски до човековите активности. Поради географската локација на Македонија, голем дел од површинските води (84%) потекнуваат од нејзината територија. Количината на површинските води најмногу зависи од врнежите од дожд и од топењето на снегот. Поради топографските, геолошките и морфолошките карактеристики на релјефот истекувањето се одвива преку хидрографската мрежа составена од реки, потоци и езера. Исклучок од тоа се карстните региони, каде што водата се задржува подолго во подземјето и ги обновува водотеците во речната мрежа.

Главни сливови во Македонија
Река/

Езеро

Сливна

површина (км2)

Удел

(%)

Вардар 6.813 26,5
Треска 2.068 8,0
Пчиња 2.373 9,2
Брегалница 4.307 16,8
Црна 4.985 19,4
Црн Дрим 3.355 13,0
Струмица 1.520 5,9
Дојранско Езеро 120 0,5
Циронска и Лебница 128 0,5
Јужна Морава 44 0,2

Хидрографската територија на Република Македонија може да се подели на четири речни сливови: Вардарски, Струмички, слив на Црн Дрим и Јужна Морава. Вардарскиот Слив е најголем (20.546 км2 или 79,9%) и гравитира кон Егејското Море. Струмичкиот Слив (1.520 км2 или 5,9%) се наоѓа во југоисточниот дел на државата и исто така гравитира кон Егејското Море. Сливот на Јужна Морава (44 км2 или 0,2%) е најмал, сместен во северниот дел на земјата и гравитира кон Црното Море. Овој слив не придонесува многу кон достапните водни ресурси во земјата. Истекувањето на водите во Македонија најмногу е преку следниве реки: Вардар кај Гевгелија, Црн Дрим кај Дебар и Струмица кај Ново Село.