Инстал фест
Инстал фест е манифестација поврзана со слободниот софтвер. Обично организирани се од локални Линукс кориснички групи или универзитети, а основна намена е да се соберат луѓе за масовно инсталирање на оперативни системи и софтвер, најчесто Линукс и друг слободен софтвер.
Целиот настан е посветен на развој на самата заедница, како место на кое новите корисници можат да ги донесат своите компјутери, а поискусните корисници им помогаат да инсталираат и конфигурираат оперативен систем по желба.
Инсталфест-овите собираат корисници со различни стручни познавања - од почетници до експерти. Доста фестивали вклучуваат и разни информативни предавања, како и неформално запознавање на членовите преку ручеци, пијалак и сл. Формалноста на целиот настан зависи од самата организација која го спонзорира фестивалот.
Во Македонија Инсталационен фестивал се одржува од 2004 година. Организатор е Слободен софтвер Македонија, некогаш потпомогнат од некои други компјутерски фирми. Заедно со Инсталациониот фестивал се одвива и Burnfest, на кој на корисниците им се нуди можност да добијат копија од некоја позната Линукс дистрибуција.
Првиот инсталационен фестивал се одржа викендот 15-16 Април 2004-та во просториите на Собрание на град Скопје. Исходот беше 11 инсталирани и конфигурирани машини и над 200 снимени дискови.
Вториот инсталационен фестивал се одржа викендот 23-24 Април 2005-та во просториите на Електротехничкиот факултет во Скопје. Исходот беше 10 инсталирани и конфигурирани машини и над 150 снимени дискови.
Третиот инсталационен фестивал се одржа викендод 15-16 Април 2006 година во Народна Техника во Скопје. Покрај инсталација и снимање дискови, имаше и презентации и работилници за повеќе теми:
- Сабота, 15 април
- 15:30 - 18 часот - работилници:
- Конструирање на динамички web апликации со TurboGears и Python - Дамјан Георгиевски
- mk.wikipedia - слободна енциклопедија - Милош Столиќ, Слободан Јаќоски
- 18:30 предавањe/дискусија
- Авторските права против современото општество - Новица Наков, Дамјан Георгиевски
- Недела, 16 април
- 15:30 - 18 часот - работилници:
- Оптимизација и модификација на Линукс кернел - Дамјан Георгиевски
- Локализација - Арангел Ангов
- 18:30 предавањe/дискусија
- Слободен софтвер (што, зошто и како) - Новица Наков