Илинска Планина
Илинска Планина или Пространска Планина — средновисока планина во западна Македонија со динарски правец на протегање од северозапад кон југоисток.[1]. Највисоки врвови се Лиска (1.909 м) и Старец (1.577 м). Се наоѓа помеѓу котлината Дебрца на запад, долината на реката Треска на север, Демир Хисар и долината на Беличка Река на исток. На југоисток продолжува во Плакенска Планина. На Илинска Планина се развиени изворишните челенки на Мраморечка и Беличка Река. Геолошкиот состав е претставен со палеозојски кристалести шкрилци преку кои лежат тријаски варовнички конгломерати и гранитит преку кои лежат карбонатни карпи. Планинските страни се под шума, а високите делови под планински пасишта.[2]. Изобилува со букова шума во високите и средните делови, како и дабова во пониските делови. Богатите шуми се користат за сеча на дрво за огрев, градежништво, мебел и производство на ќумур (во с. Вирово).
| Илинска Планина | |
|---|---|
| Пространска Планина | |
 Поглед на Илинска Планина со врвот Лиска | |
| Највисока точка | |
| Надм. вис. | 1909 м |
| Матичен врв | Лиска |
| Друго име | Пространска Планина |
| Географија | |
Илинска Планина на карта
| |
| Место |  Македонија |
| Покраина | MK |
Галерија уреди
-
Поглед на Илинска Планина со врвот Лиска -
Билото на Илинска Планина со врвот Стража кон југ -
Поглед на сртот на Илинска Планина -
Источната падина на Илинска Планина во котлината Дебрца
-
Поглед на Илинска Планина
Поврзано уреди
Наводи уреди
- ↑ Milošević, Miodrag (1967). Geografija Jugoslavije (3. изд.). "Naučna knjiga".
- ↑ Павловски, Јован (2006). Ми-Анова енциклопедија: М-П. Книгоиздателство МИ-АН. ISBN 9989-613-91-5, ISBN 9789989613913 Проверете ја вредноста
|isbn=: invalid character (help).